Rəqsanə: “1 milyonluq maşınların üzərində o hoqqa qalmayacaq ki, çıxarılmasın”

Rəqsanə İsmayılova diqqətləri üzərinə çəkəcək yeni klipini təqdim edib. “Alma məndən gözlərini” adlı ekran əsərində müğənnidən sözün əsl mənasında gözlərinizi çəkə 

    Rəqsanə İsmayılova diqqətləri üzərinə çəkəcək yeni klipini təqdim edib. “Alma məndən gözlərini” adlı ekran əsərində müğənnidən sözün əsl mənasında gözlərinizi çəkə bilməyəcəksiniz. Klipdə Rəqsanənin tərəf müqabili ispaniyanın xarizmatik modellərindən olan Karlos Martindir. Teoman Topçunun ekranlaşdırdığı klipdə İsmayılovanın iddialı geyiminə gəlincə isə, o, özünə belə haqq qazandırıb: “ Suyun içində xalatla çəkiləsi deyildik ki!”

    Xarici ulduzlarla rəqabətə girməyə çalışan Rəqsanə, görünür, özündən çox əmindir. Dünya ulduzlarının möhtəşəm şoularına həsrətlə baxıb “Bu, bizdə də olsun” deyən tamaşaçılar, hazır olun.  Nəhayət arzunuza çatacaqsınız. Bunu biz yox, Rəqsanə deyir. Müğənni: “ Üçüncü klipdə çox bahalı maşınlardan istifadə olunacaq. 1 milyonluq maşınların üzərində o hoqqa qalmayacaq ki, çıxarılmasın. 40 nəfərlik rəqs komandası olacaq”.

    Qeyd edək ki, iyunun 30-u “Sevgililər günü” Yaşıl Teatrda müğənninin pulsuz konserti baş tutacaq.

 

Sevda Məmmədova

Elfaq Lələyev

 

Muz-tv.az