Azərin əsgərlərə konsert verdi

Əməkdar artist Azərin Tovuz rayonunda əsgərlər qarşısında çıxış edib. Axşam.az-ın məlumatına görə, müğənni hərbi hissədəki konsertindən danışıb: “Əsgərlərin 

  Əməkdar artist Azərin Tovuz rayonunda əsgərlər qarşısında çıxış edib. Axşam.az-ın məlumatına görə, müğənni hərbi hissədəki konsertindən danışıb: “Əsgərlərin qarşısında çıxış etməkdən qürur duydum. Onlara konsert verməkdə mənə köməklik göstərən hər kəsə təşəkkür edirəm. Allah türk əsgərlərini qorusun. Yaşasın, Azərbaycan ordusu!”.

   Bəstəkar Nazim Məmmədovun qızının doğum günüdür.Sənətçinin övladı Fatimənin 1 yaşı tamam olur. Nazim qızı üçün hazırladığı sürprizlərdən danışıb:  “Əslində qızımın ad günü iyunun 30-dadır. Ramazan bayramına görə mərasimi belə tez keçirirəm. Musiqiçi dostum Vüsal Qarayev mənə yad olan bir janrda mahnı yazıb. Bəstəni oxudum, klip çəkdik, gecə səhərə kimi montaj etmişik. Məclisdə həmin mahnım təqdim ediləcək. Bununla yanaşı, yaxın dostum, müğənni Abbas Bağırov toyumda məzəli video-çarx hazırlamışdı. Dediyinə görə, onun davamını hazırlayıb. Həmin sürprizi də gözləyirəm”.

   Müğənni-rəqqasə Sevda Sanəliyevanın toyudur.Sənətçinin toy mərasimi yerli restoranların birində  baş tutacaq. Məhdud çərçivədə keçiriləcək toy mərasiminə sənət adamlarından az sayda insan dəvət edilib.

   Türkiyəli müğənni Rafet El Romanın konserti yenidən təxirə düşüb. Konsert sentyabrda baş tutacaq. Proqramın təxirə salınmasına səbəb məkan dəyişikliyi olub. Təşkilatçı Nahid Emiloğlunun sözlərinə görə, nəzərdə tutulan konsert daha böyük bir yerdə - "Yaşıl Teatr”da keçiriləcək. Qeyd edək ki, Rafetlə birlikdə səhnəni müğənni Günay İbrahimli paylaşmalı idi.

 

Sərvər Mehdiyev

 

Muz-Tv.az