Gülbən Ərgən: “Yaxşıyam, xoşbəxtəm, inanıram”

Türkiyəli müğənni Gülbən Ərgənin “Aləm” jurnalında müsahibəsi dərc olunub. Maraqlı açıqlamalar verən sənətçi teleaparıcı Erkan Çeliklə olan münasibətlərindən də 

    Türkiyəli müğənni Gülbən Ərgənin “Aləm” jurnalında müsahibəsi dərc olunub. Maraqlı açıqlamalar verən sənətçi teleaparıcı Erkan Çeliklə olan münasibətlərindən də danışıb. O, Erkanla bərabər çox xoşbəxt olduğunu söyləyib:  
“Haqqımızda yazılanlara rəğmən, heç nə demədim. Çünki danışmaq əvəzinə yaşamağa üstünlük verirəm: yaxşıyam, xoşbəxtəm, inanıram”.

    Musiqi dünyasının məşhur cütlüyü Beyons və həyat yoldaşı Cey Zi konsert turnesinə başlayıb. Mayamidə start götürən turne çərçivəsində hazırlanan konsert zamanı onlar möhtəşəm səhnə şouları ilə yadda qalıblar. Konsert ərzində xeyli sayda geyim dəyişən Beyons cəsarətli libasları və maraqlı rəqsləri ilə tamaşaçıların zövqünü oxşayıb.

    Türkiyəli müğənni Hülya Avşarın ötən həftə “A benim akılsızım” mahnısına çəkdirdiyi klip təqdim olunub.  Müğənni Belqrad meşələrində çəkilən bu video çarxında  “efirdə öpüşməmək” qaydalarını pozaraq aktyor Pamir Pekinlə öpüşüb.
Klipin rejjisoru Kamal Başbuğdur.   Qeyd edək ki, mahnı Hülya Avşarın “Aşk büyükse” adlı albomuna daxil edilib.

    Barbadoslu pop ulduz Rihanna dünyanın 28 ölkəsində çap olunan, məşhur  “Harper's Bazaar  Arabia” jurnalının yeni nəşrinin siması seçilib. Fotosessiya etdirən müğənni stilistlərin hazırladıqları ən qeyri-adi və orijinal libasları geyinib.  Hər zaman açıq-saçıq geyimlərdə görməyə alışdığımız Rihanna bu dəfə fərqli obraz yaradıb. Bununla yanaşı, o, bütün cazibədarlığını qoruyub saxlamağı bacarıb.

 

Sahilə Aslanova

 

Muz-Tv.az