“Addım Gənclər Təşkilatı” növbəti uğurlu layihəsini həyata keçirdi

Ötən gün Gənc Tamaşaçılar Teatrında Azərbaycan Respublikası Gənclər və İdman Nazirliyinin, "Addım Gənclər Təşkilatı" ilə bərabər "Sağlam Həyat Yaradıcılıq Sərgisi" 

   Ötən gün Gənc Tamaşaçılar Teatrında Azərbaycan Respublikası Gənclər və İdman Nazirliyinin, "Addım Gənclər Təşkilatı" ilə bərabər "Sağlam Həyat Yaradıcılıq Sərgisi" adlı layihəsinin mükafatlandırma mərasimi keçirilib. Layihə Azərbaycan Respublikası Prezidentinin 2011-ci il 7 iyul tarixli Sərəncamına, “Azərbaycan gəncliyi 2011-2015-ci illərdə” gənclər arasında sağlam həyat tərzinin təbliğ olunması ilə bağlı dövlət proqramına əsasən həyata keçirilib. "Sağlam Həyat Yaradıcılıq Sərgisi" layihəsi çərçivəsində yaradıcı gənclər festivala foto, video, musiqi, rəsm əsəri bölümündə müxtəlif yaradıcılıq işləri təqdim ediblər.

   Münsiflər heyətində Gənclər və İdman Nazirliyinin sektor müdiri Nərmin Aslanbəyli, xalq artisti Brilliant Dadaşova, əməkdar incəsənət xadimi Fəxriyyə Xələfova, xalq rəssamı Ağaəli İbrahimov, bəstəkar İsa Məlikov iştirak ediblər. Tədbiri giriş sözü ilə Gənclər və İdman Nazirliyinin Gənclərlə iş şöbəsinin müdiri İndira Hacıyeva və "Addım Gənclər Təşkilatı"nın sədri Hüseyn Cavadzadə açıb iştirakçılara uğurlar arzu ediblər.

   Müsabiqənin nəticələrinə görə rəsm bölümündə Nərmin Hümmətova və Hüseyn Bağırov, foto bölümündə Emil İbrahimov, video bölümündə Zarina Qurbanova, musiqi bölümündə isə Kəmalə Qaramollayeva 1-cilik qazanıb. Münsiflər heyəti qaliblərə diplomlar və hədiyyələri təqdim edib.

 

Sərvər Mehdiyev

Elfaq Lələyrv

 

Muz-Tv.az