“O səs Türkiyə”nin münsifi 3 milyon istədi

“O səs Türkiyə” yarışmasında münsif kürsüsündə əyləşən “Athena” qrupunun solisti Gökhan Özoğuza məşhur avtomobil firmasından reklamda çəkilmək təklifi gəlib.  

   “O səs Türkiyə” yarışmasında münsif kürsüsündə əyləşən “Athena” qrupunun solisti Gökhan Özoğuza məşhur avtomobil firmasından reklamda çəkilmək təklifi gəlib.  Ifaçı bunun üçün bəzi şərtlər irəli sürüb. Belə ki, o, çəkiləcəyi reklam filminə görə rekord məbləğ - 3 milyon dollar tələb edib və üstəlik filmdə əkiz qardaşı Hakanla birlikdə çəkilmək istədiyini söyləyib.
Bu məbləğə təəccüblənən avtomobil firması müğənninin keçmişdə reklamda oynamaq üçün 600 min türk lirəsi ilə kifayətləndiyini öyrəndikdən sonra təklifdən imtina edib.

    Tez-tez dəyişdirdiyi sevgililəri ilə daim gündəmə gələn Hollivud ulduzu Leonardo Di Kaprio model Toni Qarrnla birlikdə Nyu Yorkda görülüb. Sevgilisinin çantasını daşıyarkən paparazzilərə yaxalanan Di Kaprio üzünü gizlətməyə çalışıb. Çox xoşbəxt görünən Qarrn isə müxbirlərə gülümsəməklə kifayətlənib.

    Türkiyəli müğənni Kənan Doğulunun möhtəşəm konsert proqramı baş tutub. Iyulun 27-də aktrisa Bərən Saatla Amerikada ailə quracaq sənətçi bacısının toyundan sonra konsert planını gerçəkləşdirib. Ifaçı tamaşaçıları salamlayaraq, biletləri bir neçə gün əvvəldən qurtaran gecəyə “Gül” mahnısı ilə başlayıb. 3 saata yaxın davam edən konsert zamanı bir-birindən məşhur mahnılarını səsləndirən Kənan ifası ilə yanaşı, rəqsləri ilə də izləyicilərini heyran edib. 

    Daim qalmaqallarla gündəmə gələn ParisHilton geyindiyi libasla yenə söz-söhbətə səbəb olub. 32 yaşlı xanım “High Of My Love” adlı mahnısının klipi üçün maraqlı bir geyim seçib. Video çarxın çəkilişləri ərzində qara rəngdə olan 3 müxtəlif libas geyinən Hilton fotolarını İnstaqram hesabından paylaşıb.

 

Sahilə Aslanova

 

Muz-Tv.az