“Çalıquşu”nun ulduzları real həyatda da sevgilidir

Məşhur aktyorlar Burak Özçivit və Fəxriyyə Evcənin “Çalıquşu” serialındakı sevgisi real həyatda da davam edir.  

     Məşhur aktyorlar Burak Özçivit və Fəxriyyə Evcənin “Çalıquşu” serialındakı sevgisi real həyatda da davam edir.  Cütlüyün iki ay yarımdır birlikdə olduğu iddia edilir. Amma bunu mətbuatdan gizləyən sevgililər hər kəsdən qaçmağa çalışır. Buna səbəb Özçivitin keçmiş sevgilisi Ceylan Çapadan yeni ayrılmasıdır. İddialara görə, aktyor Evcənlə münasibətləri başlayan kimi Çapadan ayrılıb. Xatırladaq ki, 29 yaşlı Burak Özçivit Fəxriyyə Evcənlə birlikdə filmdə çəkilməyə hazırlaşır.

     İngilis model Kara Delevayn “Vogue” jurnalına verdiyi müsahibə zamanı yuxulamasına Twitter vasitəsi ilə haqq qazandırıb. Çox ağır iş rejimində çalışdığını və yuxu rejiminin pozulduğunu deyən Delevayn dəb dünyasındakı hər kəsin bir-birinin quyusunu qazdığını vurğulayıb.

     Məşhur aktrisa Bərgüzar Korel oğlu Əliyə olan bağlılığından danışıb. Bütün vaxtını övladı ilə keçirmək istədiyini söyləyən Korel “Keçən həftələrdən birində reklama çəkilmək üçün Praqaya getmişdim. Əli yenə yanımda idi. Bacardığım qədər hər yerə oğlumla gedirəm” –deyə bildirib.  Ikinci bir uşaq istədiklərini qeyd edən məşhur aktrisa: “Əli də, mən də onun qardaşı və ya bacısı olmasını çox istəyirik” –söyləyib.

     Pakistanın ən böyük tekstil istehsalçısı hesab olunan “Firdous Cloth Mills”  marka üzü olaraq Bərən Saatı seçib. Son üç mövsümdə Karina Kapur, Sonam Kapur və Dipika Padukone kimi Bollivud aktrisaları ilə çalışan şirkət 2015-ci il üçün Bərən Saata markanın siması olmağı təklif edib. Kompaniya adı çəkilən hind aktrisaları ilə 1.2 milyonluq müqavilə imzalasa da, Bərən Saata edilən təklifin bu məbləğdən daha artıq olacağı bildirilib.

 

Sahilə Aslanova

 

Muz-Tv.az