Məşhur müğənni ikinci dəfə ata oldu

Müğənni Vasif  Məhərrəmli ikinci dəfə ata olub.  Bu barədə sənətçinin yaxın dostu, əməkdar artist  Ədalət Şükürov bildirib. 

    Müğənni Vasif  Məhərrəmli ikinci dəfə ata olub.  Bu barədə sənətçinin yaxın dostu, əməkdar artist  Ədalət Şükürov bildirib. Xatırladaq ki, bir müddət əvvəl müsahibə verən Məhərrəmli açıqlamasında ata olmağa hazırlaşdığını etiraf etmişdi. O, övladının cinsiyyətinin bəlli olduğunu da söyləmişdi: “Bu dəfə oğlum dünyaya gələcək”. Qeyd edək ki, sənətçi ötən il ikinci dəfə ailə həyatı qurub. Onun ilk evliliyindən Əfşan adlı bir qızı var.

    Xalq artisti Brilliant Dadaşova oğlu Cahadla çəkdirdiyi fotosunu sosial şəbəkədə paylaşıb.  Müğənni hər zaman mediadan kənar gəzən oğlu ilə şəklinin yanına "Əziz "Facebook" dostlarıma həmişəki kimi eksklüziv... Allah bütün balaları pis gözdən, nəzərdən qorusun. Toyunda İnşallah "Facebook" dostlarıma ayrıca qonaqlıq verəcəm" sözlərini yazıb.

    Xalq artisti Zülfiyyə Xanbabayeva və ifaçı Miri Yusif “İki doğma insan” mahnısına çəkilən kliplərini təqdim ediblər. Xatırladaq ki, bəstəkar Murad Quliyevə məxsus olan və bir il əvvəl işıq üzü görən kompozisiya yayımlandığı andan etibarən hitə çevrilmişdi. Video çarxın çəkilişləri Miri Yusifin Yaşıl TEatrda reallaşan son konserti zamanı baş tutub.

    Rəqsanə İsmayılova həmkarlarını qıcıqlandıracaq iddialı açıqlamalar verib: “Toy bazarının hamısını “öldürmüşəm”. 10 ildən çoxdur bu sənətdəyəm. Rəqsanə olaraq öz imzamı qoymuşam. Hazırda toy bazarında tüğyan edən xanım sənətçilərdən biriyəm. Hamısının canlı oxumaqda dizini yerə qoyaram. Qəbul edin, mən beləyəm”.

 

Sahilə Aslanova

 

Muz-Tv.az