Məşhur cütlük boşandı

Türkiyənin tanınmış aktyoru Murad Yıldırım və aktrisa Burçin Dərzioğlu boşanıblar. 

   Türkiyənin tanınmış aktyoru Murad Yıldırım və aktrisa Burçin Dərzioğlu boşanıblar. Bu barədə cütlük jurnalistlərə açıqlamasında bildirib: "Birlikdə qəbul etdiyimiz qərara əsasən, boşanırıq. Belə bir vaxtda şəxsi həyatımıza göstərəcəyiniz hörmət və anlayışa görə təşəkkür edirik!"  Xatırladaq ki, cütlük 2008-ci ildə "Fırtına" filminin çəkiliş meydanında tanış olaraq ailə qurmuşdu.

   Məşhur müğənni Rihanna atası ilə şam yeməyinə çıxıb. Santa Monikada restoranların birinə gedən Rihanna atası Ronald Fentinlə yemək yeyib. “BET Awards” mükafatlandırma mərasiminə getməkdənsə, atası ilə şam yeməyinə çıxmağı üstün tutan Rihannanın namizəd göstərildiyi nominasiyalarda Beyons qalib seçilib.  Xatırladaq ki, müğənnin atası hələ Rihanna uşaq ikən ailəsini tək etmişdi.

   Sosial şəbəkədə qızı Melisa ilə şəkillərini paylaşan türkiyəli aktrisa, "Ümidsiz ev xanımları" serialının "Elif"i Ceyda Düvənci fotolara yazılan şərhlərə əsəbləşib.  O, İnstaqram səhifəsində izləyicilərinə sərt sözlər yazıb: "Heç vaxt yanımda olmayan, həyatım haqqında heç nə bilməyən bəzilərinədir bu sözüm: həyat çox bəsitdir, hərə öz işi ilə məşğul olsun. Şəkillərimi paylaşanda elə bilməyin ki, sizin fikrinizi soruşuram. Bu, çox axmaq düşüncədir!  Xoşunuza gəlmirsə, məni izləməyin, belə bir azadlığınız var. Mən belə anayam və qızım da xoşbəxtdir... Sizə heç nəyin dəxli yoxdur! Hamı özünə baxsın..."

    “Öyle bir geçer zaman ki” serialındakı “Karolin” obrazı ilə tanınan Vilma Elles “Ses” jurnalının iyul sayının üz qabığında yer alıb. Dəniz qızı libası ilə fotosessiya etdirən Elles: “Həmişə dəniz qızı olmaq istəmişəm. Təklif  gələndə dərhal qəbul etdim” deyib. Gözəl aktrisa tezliklə yeni bir film üçün kamera qarşısına keçəcəyini də söyləyib.

 

Sahilə Aslanova

 

Muz-Tv.az