Məşhur cütlük tətildə

“Mərhaba Hayat” serialının çəkilişləri zamanı tanış olan və sevgi münasibətlərinə başlayan Keremcem və Seda Güvən cütlüyü tətildədir. Uzun müddətdir birlikdə olan 

    “Mərhaba Hayat” serialının çəkilişləri zamanı tanış olan və sevgi münasibətlərinə başlayan Keremcem və Seda Güvən cütlüyü tətildədir. Uzun müddətdir birlikdə olan sevgililər dostları ilə istirahət edir. Hazırda “O hayat benim” serialında rol alan Keremcem mövsüm finalı çəkilişləri tamamlanan kimi tətilə yollanıb.

     Son dörd ildir Castin Biberlə tez-tez küsüb-barışan Selena Qomez gənc müğənninin qızlarla çəkdirdiyi səmimi fotoları yayılandan sonra sükunətini qorumaq qərarına gəlib.  Hollivudda bir dostunun evindən çıxarkən görülən Qomez sadə geyimi, üzünü yarıya qədər gizlədiyi papağı ilə diqqət çəkib. 21 yaşlı gözəl ifaçı daha Castinlə maraqlanmadığını bildirib.

     “Kara para aşk” serialının mövsüm finalından sonra tətilə çıxan Tuba Büyüküstün istirahətini yarımçıq qoymalı olub.  Buna səbəb aktrisanın  həyat yoldaşı Onur Saylakla birlikdə baş rollarını paylaşdığı “Rüzgarın hatıraları” filminin çəkilişlərinin başlamasıdır. Qeyd edək ki, sözügedən ekran əsərinin Türkiyə, Almaniya, Fransa və Gürcüstanda yayımlanması gözlənilir.

    “Forbes” jurnalının hər il açıqladığı “Dünyanın ən nüfuzlu 100 məşhuru” sıralamasında bu il birinciliyi Beyons alıb. Həyat yoldaşı Cey z və milyoner iş adamı Dr Dreni geridə buraxan 32 yaşlı müğənni keçən il çıxdığı “Mrs. Carter Show” adlı dünya turnesində verdiyi 95 konsertin hər birindən təxminən 2.5 milyon dollar qazanaraq çətin bir rekorda imza atıb.

 

Sahilə Aslanova

 

Muz-Tv.az