Əməkdar artist qızı ilə duet oxuyacaq

Əməkdar artist Aybəniz Haşımova qızı Aynişan Quliyeva ilə duet oxuyub. Axşam.az-ın məlumatına görə, müğənni bu haqda açıqlamasında deyib. 

    Əməkdar artist Aybəniz Haşımova qızı Aynişan Quliyeva ilə duet oxuyub. Axşam.az-ın məlumatına görə, müğənni bu haqda açıqlamasında deyib. O, duetin yaxın günlərdə işıq üzü görəcəyini bildirib.  Aynişan isə bunun sənət aləmində bir ilk olacağını iddia edib: "Bu günə kimi bütün duetlər sevgidən, ayrılıqdan bəhs edib. Bizdə isə ana-bala münasibətinə həsr olunub. Sənət aləmində belə duet ilk dəfə olacaq. Sənətə gələn gündən hamı deyir, niyə ananla duet oxumursan. Nəhayət, bunu reallaşdırdım".

    Müğənni Elvin Abdullayev və həyat yoldaşı  Afət Bodruma yollanıblar. Yeni ailə quran cütlük həm istirahətə, həm də bal ayına getdiklərini söyləyib. Qeyd edək ki, Elvinlə Afətin toyu martda olub.

    Aparıcı- bəstəkar Murad Arifin həyat yoldaşına mahnı həsr etməsi barədə xəbər vermişdik.  Musiqisi və sözləri aparıcının özünə məxsus olan “Həyat yoldaşımsan” adlı bəstəyə klip də çəkiləcək. Bu barədə Murad  İnstaqram səhifəsində yazıb: “Mahnının təqdimatının bir ayı tamam oldu.  Apardığım və aparacağım toylarda ən çox bu bəstənin istənilməsi mənim üçün göstəricidir. Demək, ox hədəfə atılıb! Tezliklə klip də olacaq”.

 

Sahilə Aslanova

 

Muz-Tv.az