İnstaqram Sinan Akçılın hesabını dondurdu

Sosial paylaşım saytı olan İnstaqram müğənni Sinan Akçılın hesabını dondurub.  Sənətçi profilinə girə bilməyincə saytın idarə heyəti ilə əlaqə saxlayıb. 

    Sosial paylaşım saytı olan İnstaqram müğənni Sinan Akçılın hesabını dondurub.  Sənətçi profilinə girə bilməyincə saytın idarə heyəti ilə əlaqə saxlayıb. Akçıl “Bu hesab Sinan Akçılı təqlid edən saxta profillərdən biri olduğun üçün dondurulub” –cavabı ilə şok olub. Sənətçi yalnız əsl Sinan Akçıl olduğunu sübut etdikdən sonra hesabını geri ala biləcək.

    Castin Biber Floridada təşkil etdiyi yaxta partisində kameralara tuş gəlib. Selena Qomezlə yenidən barışan ulduzun iki qızla əylənməsi xəyanət iddialarının yaranmasına səbəb olub. Castindən yaşca böyük olduqları diqqətdən qaçmayan qaradərili gözəllər yaxtada əyləniblər. Qırmızı çimərlik geyimindəki xanımla səmimi görüntülər verən 20 yaşlı müğənni paparazzilərin hədəfinə çevrildiyindən isə xəbərsiz olub.

    Dəmət Akalın Və Okan Kurt Bodrumda istirahət edərkən görüntülənib. Qızları Hiranı anası ilə oteldə qoyan Akalın həyat yoldaşı ilə çimərlikdə günəşlənib. Soyuq suda çimməkdən imtina edən gözəl müğənni Okan Kurtla sahildə əyləşib. Cütlüyün bütün istirahət boyu mobil telefonlarını bir an belə yerə qoymamaları diqqət cəlbedib.

    Hollivud aktyoru Nikolas Keyc 50 yaşında baba olub.  Ulduzun 23 yaşlı oğlu Uestonun övladı dünyaya gəlib. Uşağın adını ailə şəcərəsinin şərəfinə Lusian Avqust Kapolla Keyc qoyublar. "Lusian adı mənşəyinə görə rumın adıdır. Avqustu isə Uestonun babası qoyub" - deyə Nikolasın gəlini Daniel açıqlama verib. Ueston isə öz növbəsində "Babam əsl dahidir. Biz ona hörmət edirik" deyib.  Qeyd edək ki, Nikolas Keyc Kapollalar ailəsinin üçüncü nəslinin nümayəndəsidir.

 

Sahilə Aslanova

 

Muz-Tv.az