Sərdar Ortaç həyat yoldaşı ilə dənizdə görüntüləndi

Türkiyəli müğənni Sərdar Ortaç həyat yoldaşı Xloe Luqnanla birlikdə Çeşməyə istirahətə yollanıb. 

    Türkiyəli müğənni Sərdar Ortaç həyat yoldaşı Xloe Luqnanla birlikdə Çeşməyə istirahətə yollanıb.  Axşam.az "Hürriyət"ə istinadən xəbər verir ki, "MS" (mərkəzi sinir sistemi xəstəliyi) diaqnozu qoyulan və 20 günlük müalicədən sonra xəstəxanadan evə buraxılan müğənninin yeriyərkən çətinlik çəkdiyi gözlərdən yayınmayıb. Xloe ilə dənizə girən S.Ortaç xanımının köməyi ilə sudan çıxa bilib.

    Müğənni Britni Spirsin sevgilisi Devid Lukadodan ayrılması ilə bağlı şayiələr yayılıb.  Amma hər iki məşhur  xəbəri təkzib edərək birlikdə fotolarını paylaşıblar. Cütlüyün çox xoşbəxt olduğu diqqətdən qaçmayıb. 32 yaşlı müğənni sevgilisi ilə hovuz ətrafında dincəlib. Onlar Britninin villasında istirahətin dadını çıxarıblar.

   Türkiyəli müğənni Gülbən Ərgən sevgilisi Erhan Çelikə qəzəblənib.  Axşam.az Türkiyə mətbuatına istinadən xəbər verir ki, ifaçı sevgilisi və özü üçün restoranda  şam yeməyi üçün yer ayırıb. Amma Erhan Çelik görüntülənməkdən narahat olaraq bu yeməyi ləğv etmək qərarına gəlib. Gülbən Ərgən hisslərini cilovlaya bilməyərək Tvitter hesabından ona kəskin sözlər ünvanlayıb:  “Deyilən söz, atılan ox, qaçan fürsət, gedən gənclik geri gəlməz və həyat qorxaqları bağışlamaz. Bu gün cəsarətin olmadığı üçün edə bilmədiyin şeyləri sabah vaxt tapmadığın üçün yerinə yetirə bilməyəcəksən”. 

    Müğənni Cennifer Lopez pulla keçmiş sevgilisi Kasper Smartı susdurmaq niyyətindədir. İfaçı özü haqda bildiklərini mediaya yaymaması üçün ona 10 milyon dollar ödəyəcək.  Cennifer təxminən 3 ilə yaxın müddətdə həm iş, həm də şəxsi həyatının bir parçası olan rəqqas sevgilisi Kasperdən xəyanət üstündə ayrılmışdı. Müğənni ayrıldıqdan sonra ona aldığı bahalı hədiyələri geri istəməyərək keçmiş sevgilisinə jest etmişdi. Amma yenə də Smartın haqqında bildiklərini mətbuata sızdırmasından narahat olan müğənni başqa yollara əl atmalı olub. O, Kasperin məşhurluğunu itirməmək və Cenniferdən intiqam almaq istəyi səbəbi ilə məxfi sirlərini açıqlayacağından ehtiyatlanıb. Həmin sirlər bunlardır:

1. Cenniferin ombasında silikon varmı? 
2. Son 20 ildir ki, pəhriz saxlayan Lopez əslində necə qidalanır? 
3. Əkizləri təbii yolla dünyaya gətirib? 
4. Əvvəlki həyat yoldaşı Mark Entonini Kasper Smartla aldadıbmı? 
5. Restoran və otel işçiləri, satıcılarla heç vaxt dialoqa girməyən Cenniferin daha hansı kaprizləri var?

Müğənninin bütün bu suallara cavab verməməsi üçün Kasperə 10 milyon təklif etdiyi deyilir. 

 

Fuad Məmmədov

 

Muz-Tv.az