Zamiqlə Röya duetlərinə klip çəkdirməyəcək

Müğənni Röya Ayxan və Zamiq Hüseynov səsləndirdikləri “Səninlə” adlı duetə klip çəkdirməkdən imtina ediblər. 

    Müğənni Röya Ayxan və Zamiq Hüseynov səsləndirdikləri “Səninlə” adlı duetə klip çəkdirməkdən imtina ediblər.  Axşam.az-ın məlumatına görə, Z.Hüseynovun prodüseri Elnur Həsənov bunun səbəbini açıqlayıb: “Röya ilə Zamiq “Həyat gözəldir” adlı yeni duet hazırlayırlar. Sözləri və musiqisi MC Murada aiddir. Bu duet çox maraqlı, fərqli - arembi janrındadır. Ona görə də, qərara gəldilər ki, klip bu mahnıya çəkilsin. Gələn ay çəkilişlərə başlanılacaq. Ekran işi də mahnı qədər maraqlı olacaq”.

   Əməkdar artist Ədalət Şükürov yay istirahətinə hazırlaşır. Ədalət bəy yayı Yunanıstanda keçirəcəyini deyib: “Bu ay Yunanıstana gedəcəyik. Oradan isə Monteneqroya yollanacağıq. Mənimlə birlikdə müğənni Xəyyam Nisanov da gedəcək. Birlikdə dincələcəyik”.

   Məşhur “X Factor” yarışmasının Türkiyə versiyası “Ulduz işığı”nda münsif olan, “Eurovision 2011” qalibi Nigar Camal qardaş ölkənin şou-biznesindən danışıb. “Türkiyənin şou-biznesində hər şey daha fərqlidir. Burada daha mədəni, mehribandırlar. Müğənniyə hörmət qoyulur. Yarışmada olan digər münsiflərin səmimiyyətinə söz ola bilməz. Bu o demək deyil ki, bizim şou-biznesdə mədəniyyətsizlik var. Amma bizdə bu qədər hörmət qoyulmur”.  Qeyd edək ki, müsabiqədə münsif kürsüsündə Nigar Camalla yanaşı, türkiyəli müğənni Sinan Akçıl, Atiyə və fotoqraf- rejissor Nihad Odabaşı da əyləşib.

    Müğənni İradə İbrahimova Türkiyədə çəkdirdiyi iki klipinə sentyabrda Bakıda təqdimat edəcək. 
Sənətçi bunun üçün payızda paytaxta gələcəyini bildirib. O, qayınatası Sabri bəy dünyasını dəyişdikdən sonra yaradıcılıq işlərinə ara verdiyini söyləyib. Həyat yoldaşı və qayınanasına dəstək olan müğənni yaxın günlərdə Bodruma yollanacaq: “Ailəlikcə bir-birimizi sakitləşdirməyə çalışırıq. Səbri bəyin ölümünə inanmaq çətindir. İstirahət haqqında düşünmürdük. Amma uşaqların təkidi ilə fikrimizdən daşındıq. Həftəsonu Bodrumdakı evimizə gedəcəyik, yayı orada keçirəcəyik”. Qeyd edək ki, İ.İbrahimova Türkiyə vətəndaşı Ceyhun İzərlə ailə qurub.

 

Əhəd Miriyev

 

Muz-Tv.az