Emin Qlükozanın klip təqdimatında

Rusiyalı müğənni Qlükoza (Nataliya Çistyakova İonova) “Zaçem” (“Niyə”) adlı klipinə təqdimat keçirib. 

   Rusiyalı müğənni Qlükoza (Nataliya Çistyakova İonova) “Zaçem” (“Niyə”) adlı klipinə təqdimat keçirib. Axşam.az-ın məlumatına görə, müğənni-bəstəkar Eminin rəhbərlik etdiyi restoranların birində baş tutan mərasimə Eminlə yanaşı, Rusiya şou-biznesinin tanınmış simaları - Katya Lel, Zara, Svetlana Loboda və başqaları da qatılıb. Mərasimdən fotolar təqdim edirik

   Müğənni Elçin Cəfərov iyulun 15-də “Park Bulvar”da sevənləri ilə görüşəcək. Sənətçi həmin gün pərəstişkarlarına hədiyyə də verəcək: “Sonuncu dəfə işıq üzü görən “Dilimin ucunda” mahnım hər kəs tərəfindən bəyənilib. Görüşün belə gec baş tutmasına elə bu albom səbəb oldu. Sevənlərimə imzalanmış albomumu bağışlayacam”.  Qeyd edək ki, Elçin Cəfərovun fanatları ilə görüşünün təşkilatçısı dicey Kazım Sübhandır.

   “Eurovision 2011” mahnı müsabiqəsinin qalibi Nigar Camalın münsif olduğu məşhur “X Faktor” yarışmasının Türkiyə versiyası "Star işığı" dünən başlayıb.  "Kanal D"-də yayımlanan verilişdə münsif kürsüsündə Nigar Camalla yanaşı, türkiyəli müğənni Sinan Akçıl, Atiyə, rejissor-fotoqraf Nihad Odabaşı da əyləşib. Türkiyənin yeni ulduzunun axtarıldığı müsabiqə hər həftənin çərşənbə günü yerli vaxtla saat 23:00-da canlı olaraq yayımlanacaq.  Qeyd edək ki, Nigar Camalın dəvəti ilə stilist Anar Ağakişiyev də Türkiyəyə yollanıb. O, Nigarın saç düzümünü və makiyajını edib.

    Müğənni Ayan Babakişiyeva istirahət üçün ayırdığı zamanı qızı Selena ilə keçirir. Sənətçinin üz tutduğu məkan daha çox dəniz kənarıdır. Artıq 4 ayını tamamlayan Selena anası ilə həftənin bir neçə günü gəzintiyə çıxır. Daha çox Bilgəhə gedən Ayanın fotolarını təqdim edirik.

 

Sevda Məmmədova

 

Muz-Tv.az