Xanım Qafarova vəfat etdi

Musiqili Teatrın aktrisası, əməkdar artist Xanım Qafarova 47 yaşında xərçəng xəstəliyindən dünyasını dəyişib. Bu barədə  mərhum aktrisanın bacısı oğlu məlumat verib. 

     Musiqili Teatrın aktrisası, əməkdar artist Xanım Qafarova 47 yaşında xərçəng xəstəliyindən dünyasını dəyişib. Bu barədə  mərhum aktrisanın bacısı oğlu məlumat verib. O, bildirib ki, xanım aktrisa son sözünü deyib və sonra keçinib: “Bu sözləri demək mənim üçün çox çətindir. Xalam son günlərinə qədər həyatla mübarizə aparırdı. O, həyatı sevirdi. Yeganə övladına və anasına görə narahat idi. Elə ancaq onları, əsas da azyaşlı qızını düşünürdü. Yeganə arzusu sağalıb, ayaq üstə durmaq idi. Amma nə etməliyik?! Vaxtsız ölüm Allahın qisməti və xalamın alın yazısı imiş”.

     Ölümündən qabaq mərhum sənətçinin son ziyarətçiləri xalq artisti Afaq Bəşirqızı və Musiqili Teatrın digər kollektivi olub. “Bu gün onun yanına getdik. Hamımızı tanıdı. Bizimlə danışdı, suallara cavab verdi”.

     1967-ci il mayın 9-da Bakıda anadan olan Xanım Qafarova 1987-ci ildə İncəsənət İnstitutunun Musiqili Komediya fakültəsinə daxil olub. İkinci kursda oxuyarkən "Tənqid-Təbliğ" teatrında işləməyə başlayıb. 1996-cı ildən is Azərbaycan Dövlət Musiqili Komediya Teatrına dəvət alaraq, həmin teatrda oynadığı bir çox rolları ilə onu sevənlərin yaddaşında qalmağı bacarıb. Məhz bunun nəticəsində isə 2003-ci ildə Azərbaycanın əməkdar artist fəxri adı ilə təltif olunub.  2012-ci il mayın 9-u və 2014-cü ild aprelin 30-da Prezident Mükafatına layiq görülüb. O, “Şirbalanın məhəbbəti”, “Kənddən gələn var”, “Yuxu”, “Adam ol”  və “Qayınana” filmində rola alıb.

     Xatırladaq ki, mərhum aktrisa süd vəzi xərçəngindən 2009-ci ildən bəri əziyyət çəkirdi. İyul ayının 10-da Heydər Əliyev Fondunun prezidenti, millət vəkili Mehriban Əliyeva aktrisanın müalicəsinin İsraildə davam etdirilməsi ilə bağlı göstəriş vermişdi. Ölkənin birinci xanımı həmçinin aktrisanın qızının təhsil xərclərini də öz üzərinə götürüb.

     Biz də “Muz Life” ailəsi olaraq aktrisanın yaxınlarına Allahdan səbr diləyirik.

 

Sərvər Mehdiyev

 

Muz-Tv.az