Dünya çempionatinda iştirak eden ulduzlar

Braziliyanın Marakana stadionunda təşkil edilən 2014-cü ilin Futbol üzrə Dünya Çempionatının bağlanış mərasimi maraqlı anlarla yadda qalıb.

   Braziliyanın Marakana stadionunda təşkil edilən 2014-cü ilin Futbol üzrə Dünya Çempionatının bağlanış mərasimi maraqlı anlarla yadda qalıb. Axşam.az xarici mətbuata istinadən xəbər verir ki, 75 min nəfərə yaxın futbol azarkeşinin qatıldığı tədbirdə kolumbiyalı ulduz Şakira səhnəyə oğlu Milanla birlikdə çıxıb.  Rəngarəng geyimli rəqqaslarla yanaşı, göstərilən maraqlı şoular da tamaşaçıları heyran edib.  Açılış mərasiminə Cennifer Lopez, Pitbull və Klaudiya Leittenin \"We are one\" mahnısı ilə start verdikləri çempionatın Almaniya-Argentina matçı öncəsi səhnəyə Şakira və braziliyalı musiqiçi Karlinhos Braun çıxaraq \"La la la\"nı səsləndiriblər.  Bundan başqa, meksikalı gitaraçı Karlos Santana, Vayslef Cin, Aleksandr Pires və latın pop ulduzu İvete Sanqalo da öz bacarıqlarını nümayiş etdiriblər. Onlar rəqqasların müşayiəti ilə \"Dünya Çempionatı 2014\"-ün rəsmi himni \"Dar Um Jeito\"nu ifa ediblər.

    Almaniya yığması ilə Argentina millisi arasında keçirilən Dünya Çempionatının final qarşılaşmasında tanınmış müğənni Rihanna da tamaşaçı qismində iştirak edib. Barbadoslu müğənni almanların qalibiyyətini böyük sevinclə qarşılayıb.  Mario Qötzenin vurduğu həlledici qoldan sonra tvitter sosial şəbəkəsində uzun-uzadı “Qoooooollllll” yazan müğənni, növbəti tvitdə, “Super Mario” yazıb. Sevincdən köynəyini də çıxaran müğənni bu şəklini də sosial şəbəkədə paylaşıb. Barbadoslu müğənni növbəti tvitində Almaniya yığmasını qələbə münasibəti ilə təbrik edib. 

    39 yaşlı aktrisa Ancelina Coli və 50 yaşlı sevgilisi Bred Pitt gələn ilin bu vaxtı evlənəcək.  Cütlük 9 ildir ki, birlikdədir. Altı uşağa sahib olan sevgililər ailə qurmağa tələsmirlər. Amma onların övladları bu mərasimi səbirsizliklə gözləyirlər. Daim bu barədə suallarla üz-üzə qalan Bred və Ancelina toy mərasiminin tezliklə reallaşacağını desələr də, bununla bağlı heç bir iş görmürlər. Amma cütlüyün yaxınları gələn ilin bu vaxtı onların nikah masasına oturacağını deyib. Sənətçilər dəqiq tarix müəyyənləşdirsə də, məlumatın mətbuata sızdırılmaması üçün faktı gizli saxlayırlar. 

     Müğənni Britni Spirs bu günə qədər haqqında çıxan iddiaları cavabsız qoyurdu. Müğənninin konsertlərdə canlı oxumadığı və fonoqrama müraciət etdiyi deyilirdi. Amma ifaçı bu ittihamların doğru olmadığını söyləyirdi. Bu günlərdə Britninin meneceri açıqlaması ilə şok yaradıb. O, çıxan söz-söhbətləri təsdiqləyib: “Britni səhnədə həm rəqs edib, həm də canlı mahnı oxuya bilməz. Bu, mümkün deyil. Yalnız keçidləri verir və mahnının özü fonoqram olur”. 

 

 

Əhəd Miriyev

 

Muz-Tv.az