İlhamə Quliyeva bağ evində dincəlir

Xalq artisti İlhamə Quliyeva ötən gün əməkdar incəsənət xadimi, bəstəkar Nadir Əzimovun Mərdəkandakı bağ evində qonaq olub.

      Xalq artisti İlhamə Quliyeva ötən gün əməkdar incəsənət xadimi, bəstəkar Nadir Əzimovun Mərdəkandakı bağ evində qonaq olub.Axşam.az-ın məlumatına görə, bəstəkar müğənniyə qonaqlıq verib. İ.Quliyeva ilə bərabər dəvətə onun mətbuat katibi Faiq Ələkbərov və opera ifaçısı Ülvi Qılınc da qatılıb.  Gecədən fotoları təqdim edirik. Qeyd edək ki, xalq artisti yay istirahətini Azərbaycanın bölgələrini gəzərək və bağ evində keçirir.

      Əməkdar artist Elza Seyidcahan verilişlerin birinde qonaq olub.Müğənni dəbdən, geyimlərdən danışıb. O, açıq-saçıq libaslara üstünlük verənlərin ünvanına sərt sözlər səsləndirib: “Əvvəl xanımlar evdən çıxanda bir yaylıq götürərdilər. Haradasa oturanda ətəkləri qalxıb, dizləri görünməsin deyə ayaqlarının üstünə atırdılar. İndi hamı çıxıb zövqdən danışır. Abır-həya əldən gedir, biz dəbi müzakirə edirik. Çoxları məni geyimimə görə qınayır. O insanlara demək istəyirəm ki, bu qədər dar düşüncəli olmayın. Bir az Avropaya baxın. Məni qınayan həmkarlarım isə bunu paxıllıqdan edirlər”.

      Müğənni Ayan Babakişiyeva tədbirlərin birində fotokameramıza tuş gəlib. Göbəyiaçıq libası ilə diqqət çəkən sənətçi geyimlərindən danışıb: “Yay başlayanda həmişə qarderobumu yeniləyirəm. Daha rəngarəng libaslar alıram. Bu paltarım da sevdiyim üslubdadır. Geyimim əhval-ruhiyyəmə təsir edir. Buna görə də, hər zaman zövqümü oxşayan libas almağa çalışıram. Özümə yaraşanı geyinirəm ki, ətrafımdakılarda da müsbət fikir formalaşdırım”.

      Müğənni Vasif Məhərrəmli verilişlerin birinde qonaq olub.  Canlı efirdə aparıcıya brend köynək verəcəyini deyən sənətçi “Siz bahalı müğənnisiniz” sualını belə cavablandırıb: “Əynimdəki köynək brenddir, qiyməti çoxdur. Söz verirəm ki, bunun eynisini aparıcıya da bağışlayacam. Bu sualı mənə vermək lazım deyil. Hamı bilir ki, mən kifayət qədər bahalı müğənniyəm”.

 

Əhəd Miriyev

 

Muz-Tv.az