Özümü yataq xəstəsi etmək fikrim yoxdur

Mərkəzi sinir sistemi xəstəliyi diaqnozu qoyulan və bir müddətdir müalicə alan türkiyəli müğənni Sərdar Ortaç ötən gün həyat yoldaşı Xloe Luqnanla birlikdə görüntülənib

      Mərkəzi sinir sistemi xəstəliyi diaqnozu qoyulan və bir müddətdir müalicə alan türkiyəli müğənni Sərdar Ortaç ötən gün həyat yoldaşı Xloe Luqnanla birlikdə görüntülənib.  Axşam.az-ın Türkiyə mətbuatına istinadən xəbərinə görə, ifaçı müalicəsindən müsbət nəticələr aldığını deyib. O, bu müddət ərzində ona xanımının dəstək olduğunu söyləyib: “Toydan 3 gün sonra bal ayı yerinə xəstəxanaya getdik. 25 gün orada yatdım. Həmin ərəfədə Xloe hər şeylə maraqlanır, dərmanlarımı vaxtlı-vaxtında verirdi”.  Ortaç xəstəliyinə baxmayaraq, konsert proqramlarının heç birini təxirə salmayacağını deyib:  “Əks-təqdirdə təzminat ödəməli olaram. Təbii ki, heç nə sağlamlığımdan vacib deyil. Amma özümü yataq xəstəsi etmək fikrim yoxdur. Ayağa qalxmaq istəyirəm və bunu edəcəyəm”.

      Hollivudun məşhur aktrisası Kameron Diaz qələmə aldığı “The Body Book” ("Bədən kitabı") kitabında arıqlamağı sürətləndirən təamlardan yazıb.  Gözəlliyini və zərifliyini bu yolla qoruduğunu deyən Diaz aclıq hiss etdiyi zaman kalorisi yüksək olan qidalara üstünlük verdiyini vurğulayıb.  42 yaşlı aktrisa “Oturub kaloriləri saymaq və ya az yemək yerinə maddələr mübadiləsini sürətləndirən fındıq, tərəvəzlər, balıq, mərcimək və yaşıl çaya üstünlük verməlisiniz. Bu “güclü” qidalar artıq piyləri əritməyə kömək edir”, deyə bildirib.

     Həyat yoldaşı Kieran Heyler və ən yaxın rəfiqəsi Ceyn Pauntni tərəfindən evində xəyanətə uğrayan britaniyalı aktrisa-model Keti Prays pis günləri yavaş-yavaş arxada qoyur.  Beşinci uşağına hamilə olan müğənni mayda yaşadığı şoku unutmağa çalışdığı üçün həmin mülkünü 3 milyon dollara satışa çıxarıb. Qeyd edək ki, Keti Praysın aldadılma hadisəsindən sonra C.Pauntniylə əlaqəni kəsdiyi, onunla barışmağa can atan əri ilə isə gizlicə görüşdüyü deyilir.

     21 yaşlı amerikalı müğənni və aktrisa Selena Qomez kürəyinə ərəbcə döymə etdirib. İnstaqram səhifəsində şəklini paylaşan ulduz bunu bir ay əvvəl yazdırdığını bildirib.  Selenanın sayca dördüncü olan həmin döyməsinin mənası "Hər şeydən əvvəl özünü sev"dir.

 

Əhəd Miriyev

 

Muz-Tv.az