Azər Mirzəyev vəfat etdi

Azərbaycanın əməkdar artisti,milyonların sevimlisi olan Azər Mirzəyev bu gecə saat 03:00 radələrində dünyasını dəyişib. 

    Azərbaycanın əməkdar artisti,milyonların sevimlisi olan Azər Mirzəyev bu gecə saat 03:00 radələrində dünyasını dəyişib. Bir zaman xəstəliyi ilə bütün medianı silkəliyən aktyorun ölüm xəbəri isə bütün Azərbaycanı yasa qərq edib.Aktyor, tele-aparıcı Elnur Kərimovun verdiyi məlumata görə,aktyorun ölümünə səbəb ürək çatışmazlığı olub.O 2 il əvvəl keçirdiyi iflic xəstəliyindən əziyyət çəkib.Azərbaycan mədəniyyətində öz bacarığı ilə iz qoymağı bacaran Azər Mirzəyev 1952-ci il may ayının 12-də Zərdab rayonunda müəllim ailəsində anadan olub. Atasının işi ilə əlaqədar olaraq sonradan ailəsilə Sabirabad rayonuna köçən Azər orta məktəbi burda başa vurub və 1968-ci ildə SSRİ xalq artisti Ədil İsgəndərovun rəhbərliyi altında "Azərbaycanfilm"in nəzdində fəaliyyət göstərən kino aktyorluğu studiyasına qəbul olunub.1970-ci ildə buranı bitirəndən sonra sənədlərini İncəsənət İnstitutunun dram və kino aktyorluğu fakültəsinə verib və qəbul olunub. İncəsənət İnstitutunda respublikanın xalq artisti, professor Rza Təhmasib və Fikrət Sultanov kimi korifey sənətkarlardan akytorluq sənətinin sirlərini öyrənib.1974-cü ildə bu ali məktəbi bitirəndən sonra təyinatla Azərbaycan Dövlət Gənc Tamaşaçılar Teatrına göndərilən Azər Mirzəyev o gündən indiyədək bu teatrın səhnəsində neçə-neçə gözəl obrazlar yaradıb.

Allah rəhmət eləsin!

 

Fuad Məmmədov

 

Muz-Tv.az