5 milyon dolları rədd edən İbrahim Tatlısəs

Türkiyənin məşhur müğənnisi, "İmperator" ləqəbli İbrahim Tatlısəs reklam çarxına çəkilməkdən imtina edib.

    Türkiyənin məşhur müğənnisi, "İmperator" ləqəbli İbrahim Tatlısəs reklam çarxına çəkilməkdən imtina edib. Yanacaq istehsalı və satışı ilə məşğul olan şirkətlərdən biri Tatlısəsə həm televiziya, həm radio, həm də çap mediasında yayımlanacaq reklam blokunda çəkilməyi təklif edib. Bunun müqabilində müğənniyə 10 milyon türk lirəsi, təxminən 5 milyon dollar təklif edilib. Lakin tanınmış müğənni bu təklifi geri çevirib. İbrahim Tatlısəs bildirib ki, hələlik özünübərpa dövründədir və hər hansı reklam çarxında çəkilmək istəmir. Qeyd edək ki, təxminən 3 il əvvəl İbrahim Tatlısəs sui-qəsdə məruz qalıb və başından güllə yarası alıb. Müğənni uzun müddətdir ki, müalicə olunur.

     Mayami sahillərində dostları ilə birlikdə dincələn məşhur amerikalı aktyor Leonardo Di Kaprio artıq çəkiləri ilə hər kəsi təəccübləndirib. Saçını və saqqalını uzadan Hollivud ulduzu paparatsiləri görən kimi narahat olub və qarın nahiyyəsindəki piyləri gizlətmək üçün bədən dəsmalını belinə dolayıb. Qeyd edək ki, tətil zamanı Di Kaprionun 22 yaşlı model sevgilisi Toni Qarrnın aktyorun yanında olmaması onların ayrılmaları barədə dedi-qodulara gətirib çıxarıb.

     Amerikalı model və aktrisa Keyt Apton çimərlikdə görüntülənib. Sevgilisi Castin Verlanderlə bal ayına gedən Keyt çimərlik geyimində olduqca seksual görünüb. Amma modelin kökəldiyi də diqqətdən yayınmayıb. Fotoqrafların təqdim etdiyi şəkillər mediada böyük-səs küy doğurub. Aktrisanın həm qarın bölgəsində artıq çəkinin olması, həm də sinəsinin həddindən artıq böyüməsi müzakirə mövzusuna çevrilib.

     Dünya şöhrətli kolumbiyalı müğənni Şakira "Facebook"un ən məşhur siması seçilib.  Sosial şəbəkədə 100 milyon "like" toplayan ifaçı bununla da rekorda imza atıb. O, profilində təşəkkür videosu paylaşaraq bu qələbəsini sevənləri ilə bölüşüb. Şakira təəssüratlarını belə ifadə edib: "Bu göstəriciyə görə qürur duyuram. Çünki sosial şəbəkə, xüsusilə də "Facebook" dünyanın dörd bir yanında olan fanatlarımla əlaqə yaratmağa və onlarla aramızdakı boşluğu doldurmağa kömək edir. Həm sənətçilər, həm də pərəstişkarlar düşüncələrini, müvəffəqiyyətlərini, foto və videolarını paylaşmaqla həyatlarının mühüm anlarını bir-birləri ilə bölüşürlər. Bununla da dialoq qura bilirik". 

 

Əhəd Miriyev

 

Muz-Tv.az