Röya: “Allahım, heç kimi analıqdan məhrum etmə”

Müğənni Röya Ayxan oğlu ilə gəzintiyə çıxıb. Türkiyədə olan ifaçı övladı Hüseynlə birlikdə çəkdirdiyi fotonu İnstaqram səhifəsində paylaşaraq “Allahım, heç kimi...

    Müğənni Röya Ayxan oğlu ilə gəzintiyə çıxıb. Türkiyədə olan ifaçı övladı Hüseynlə birlikdə çəkdirdiyi fotonu İnstaqram səhifəsində paylaşaraq “Allahım, heç kimi analıqdan məhrum etmə. Heç bir qadını övladla sınağa çəkmə. Amin deməyən dillər qurusun” yazıb. Qeyd edək ki, Röya yeni klipinin çəkilişləri ilə əlaqədar qardaş ölkədədir.

    Müğənni Xəyyam Nisanov Monteneqroda istirahət edir. Sənətçi istirahət zamanı paraşütlə uçub. Fotolarını İnstaqram səhifəsində yerləşdirən Xəyyam qorxduğunu da gizlətməyib: “İnsan həyatda hər çətinliyi aradan qaldırmalıdır. Hətta uşaqlıqdan sənin üçün mümkünsüz görünən hər şeyin öhdəsindən gəlməyi bacarmalısan. “Fort Boyard” yarışmasından sonra başa düşdüm ki, həyatda mümkünsüz heç nə yoxdur. Hər şeyi etmək olar. Bunun üçün insana yalnız inam və ümid lazımdır. Mən uçuram, bu əladır. Amma qorxduğumu da gizlətmirəm”.

    Müğənni Natavan Həbibi 16 il sonra doğulduğu Türkmənistana yollanıb.  Sənətçi bu haqda açıqlamasında deyib: “Türkmənistanda Mədəniyyət günləri ilə bağlı konsert verdim. Əvvəl gecənin bir gün olmasını planlaşdırmışdıq. Sonra tamaşaçıların istəyi ilə ikinci günü də keçirtdik. Orada doğulmuşam. 16 ildir getmirdim. Çox həyəcanlı idim. Gözəl konsert keçdi”.

    Xanəndə Elnarə Abdullayevadan yeni xəbər var.  Axşam.az-ın məlumatına görə, ifaçı solo konsert verəcəyini açıqlayıb: “Bu yay istirahət etmək istəyirdim. Amma işlərim çıxdı. Dincələ bilmirəm. Heydər Əliyev Sarayında konsert verməyi planlaşdırıram. Buna görə də, məşqlərə başlayacam”.  Mahnılarını daha çox həzin səslə oxuyan E.Abdullayeva bunun səbəbini belə izah edib: “Bu Qarabağ niskilidir. Hərdən məni qınayırlar ki, niyə belə yanğılı oxuyursan. İzah edirəm ki, mən Qarabağ dərdi çəkirəm. Bununla da fəxr edirəm. Vətənin dərdi mənim dərdimdir”.

 

Əhəd Miriyev

 

Muz-Tv.az