Tünzalə Ağayevanın gizli istedadı

Əməkdar artist Tünzalə Ağayeva gizli istedadından danışıb. “Rəssamlıq bacarığım var. Uşaqlıqda cizgi filmi qəhrəmanlarının şəkillərini çəkirdim. 

     Əməkdar artist Tünzalə Ağayeva gizli istedadından danışıb. “Rəssamlıq bacarığım var. Uşaqlıqda cizgi filmi qəhrəmanlarının şəkillərini çəkirdim. İndi vaxtım olsaydı, təbiət mənzərəsi işləyərdim. Belə rəsmlər xoşuma gəlir”. Hədiyyə verməyi sevdiyini söyləyən T.Ağayeva hər bir mahnısını dinləyicilərinə bağışladığını bildirib: “İnsan nəyisə bağışlamağı bacarmalıdır. Mən də almaqdan çox, hədiyyə etməyi sevirəm. Hər işdə mənəviyyat axtarıram. Yazdığım hər bir mahnım dinləyicilər üçün hədiyyəmdir”.

     Müğənni Gülay Zeynalova formada qalmağından danışıb. Axşam.az-ın məlumatına görə, o, buna həyat yoldaşı, idmançı Kamil Zeynalovun məsləhətlərinə qulaq asaraq nail olduğunu bildirib: “Həyat yoldaşımın sayəsində bu cür çəkidəyəm. Onun məsləhətlərinə əməl edirəm. Buna görə də, orqanizmim sağlamdır. Axşam saat 6-dan sonra heç nə yemirəm. Toyda olsam da, nəfsimi saxlayıram. İstirahət edərkən bir az yemək yeyirdim. Amma Bakıya gələndən sonra yenidən pəhrizimə başladım”.

     “Miss Baku 2012” gözəli Tamilla Həmidova yeni fotosessiya etdirib. Model çimərlik geyimində şəkillərini İnstaqram səhifəsində paylaşıb. Qeyd edək ki, Tamilla eyni zamanda aktrisa kimi də fəaliyyət göstərir. O,  telekanaların birində yayımlanan “Sənə inanıram” serialında çəkilib.

      Ötən həftə “Kainat gözəli-2013”ün qalibi Qabriela İsler və müsabiqənin prezidenti Paila M.Şiqart Bakıya səfər ediblər.  Qabriela Heydər Əliyev Mərkəzində, İçərişəhərdə, “Sea Breeze”də olub. Səfər zamanı onlar növbəti “Kainat gözəli” müsabiqəsinin Azərbaycanda keçirilməsi ilə bağlı danışıqlar aparıblar. Qeyd edək ki, adıçəkilən müsabiqə 2013-cü ildə müğənni-bəstəkar Eminin təşkilatçılığı ilə Moskvada “Crocus City Hall”da keçirilib. 

 

Əhəd Miriyev

 

Muz-Tv.az