Abbas Bağırov konsertinə İlhamə Quliyevanın gəlməməsindən danışdı

Əməkdar artist Abbas Bağırovun solo konserti ilə bağlı söz-söhbət səngimək bilmir.

     Əməkdar artist Abbas Bağırovun solo konserti ilə bağlı söz-söhbət səngimək bilmir. Axşam.az-ın məlumatına görə, müğənni yayılan şayiələrə son qoyub. O, xalq artisti İlhamə Quliyevanın gecəyə qatılmamasının səbəbini açıqlayıb: "Deyirlər, bütün biletlər pulsuz paylanılıb. Bunu konsertdə ola bilməyənlər söyləyir. Müğənnini sevənlər də var, sevməyənlər də. Oturmağa yer yox idi. Düzdür, müəyyən qonaqlara dəvətnamə vermişdim. O konserti pul qazanmaq üçün keçirmədim. İlhamə Quliyevanı dəvət etmişdim, gələ bilmədi. Çünki bəzi problemləri var idi. Zəng vurub təbrik etdi. Aramızda heç bir inciklik yoxdur. Gəlməməyinin səbəbi mənə məlum idi".  A.Bağırov növbəti konsertinin hazırlıqlarına başlayıb:  "Yenidən konsert verəcəm. Bu dəfə də iki gün keçiriləcək. Tamam fərqli dizayn, fərqli repertuar düşünmüşəm. Bu, daha güclü proqram olacaq".

     Müğənni Röya Ayxan İnstaqram səhifəsində yeni fotosunu paylaşıb.  Sənətçi çəkisinin artdığını yazıb: “İstəklərinizi nəzərə alıb 2 kiloqram kökəldim”. Qeyd edək ki, Röya bir müddət əvvəl sosial şəbəkədə “48 kiloqram oldum. Necə kökəlim?”, - deyə status paylaşmışdı.

    Əməkdar artist Lalə Məmmədova İnstaqram səhifəsində xəyanətdən yazıb.  Bir müddət əvvəl haqqında həyat yoldaşından ayrılması ilə bağlı xəbərlər yayılan müğənni sosial şəbəkədə bunları qeyd edib: “Hər güclü kişinin arxasında güclü bir qadın, güclü qadının arxasında isə böyük xəyanətlər dayanır”.

     Müğənni Nadir Qafarzadəhəmkarlarını ikiüzlü adlandıraraq son zamanlar heç bir müğənni ilə görüşmədiyini deyib:  “Axır vaxtlar ancaq süni gülüşlərlə qarşılaşıram. Ona görə də, heç bir şou adamı ilə görüşmürəm. Hamısı yalançıdır. Səni görən kimi gəlir, üzündən öpür, gülür, arxanca ağzını əyir. Mən istəmədiyim insanla heç vaxt münasibət qurmuram, görüşmürəm, saxta gülüş nümayiş etdirmirəm”.  Nadir gənc ifaçılardan da danışıb: “Bu gün sənətə gələn yeni ifaçıların hamısı əvvəlkiləri parodiya edir. Heç biri öz səsi ilə oxumur. Mən öz tələbələrimə də deyirəm ki, böyük sənətkarlara qulaq asın, amma öz səsinizlə ifa edin”.

 

Əhəd Miriyev

 

Muz-Tv.az