Müğənnilərin loqo davası

Müğənnilərin titul, ad savaşına çıxdığı bir zamanda  indi də ortaya loqo məsələsi gəlib. Bəhsəbəhsə düşən şou əhli bir-birinin ardınca özlərinə xas bir loqo düzəldirlər. 

    Müğənnilərin titul, ad savaşına çıxdığı bir zamanda  indi də ortaya loqo məsələsi gəlib. Bəhsəbəhsə düşən şou əhli bir-birinin ardınca özlərinə xas bir loqo düzəldirlər. Elə bu dəbi səhnəyə gətirən ilk ifaçı da Elçin Cəfərov olub.  Bütün söz-söhbətlərə də bundan sonra start verilib.Yerli xəbər portalları “İki müğənni arasında loqo qalmaqalı başladı” adı altında məlumat dərc edib. Belə ki, “Qala” qrupunun üzvü və hazırda solo ifa  edən müğənni Ceyhun Əliyevlə həmkarı Elçin Cəfərov arasında qalmaqal yarandığı iddia olunub. Mətbuatda ifaçıların adlarına uyğun yaratdıqları loqo haqqında xəbər dərc edilib. Bu məsələyə aydınlıq gətirmək ehtiyacı duyan Ceyhun Əliyev də susmayıb: “Saytların birində oxudum ki, guya mən özümü Elçin Cəfərova bənzədirəm. Loqolarımızın belə oxşarlığı haqqında məlumat yayılıb.Əvvəla, Elçinlə biz bu sənətdə yaxın dostuq. Qaldı ki, adımıza hazırlanan loqolara, bundan bütün dünya ulduzları istifadə edir. Loqolarımız tamam fərqli hazırlanıb. Elçində başqa anlam verir, məndə başqa. Sadəcə olaraq hər ikimizin loqosunu hazırlayan dizayner Ramil Quliyevdir. Doğrudur, sənət dostum Elçin bunu məndən öncə edib. Amma bu, o demək deyil ki, mən onu təkrarlayıram. Başım öz ailə işlərimə qarışdığından mənə indi etmək qismət oldu”

    Görünür, “Qonşudan qalma geri” prinsipi ilə Yaşar Yusub da öz loqosunu yaradıb. Bu barədə o, İnstaqramdakı hesabında dostlarını belə məlumatlandırdı: "Yeni loqom. Bundan sonra hər yerdə Yaşar Yusubla bağlı şəkil və ya video paylaşımları olunanda bu loqotipə rast gəlinəcək. Bu yeniliyi əziyyət çəkib hazırlayan Ülkər xanıma təşəkkür edirəm". Ümid edirik ki, bu loqo söhbətinin ömrü uzun olmaz və şou-biznesdə aparılan rəqabət yalnız musiqilər və konsertlər üzərində qurular.

 

Sərvər Mehdiyev

Çingiz Abdullayev

 

Muz-Tv.az