Kənan M.M həbs olundu

Məşhur rejissor Kənan M.M həbs olunub. Binəqədi Rayon Polis İdarəsindən verilən məlumata görə, rejissor dünən saxlanılıb. 

    Məşhur rejissor Kənan M.M həbs olunub. Binəqədi Rayon Polis İdarəsindən verilən məlumata görə, rejissor dünən saxlanılıb. Rejissor bir neçə nəfərlə birləşərək Binəqədidə davaya gedib. Kənan M.M-in dəstəsində 4-5 nəfərin olduğu bildirilir. Daxili İşlər Nazirliyi rejissor Kənan M.M-in həbsi ilə bağlı açıqlama verib. Nazirliyin mətbuat xidmətinin əməkdaşı Ehsan Zahidov bildirib ki, Vüqar və Vüsal Muradov qardaşları ərizə ilə müraciət ediblər. Muradovlar müraciətlərində bildiriblər ki, Kənan bir qrup şəxslə zor tətbiq edərək onları döyüb. DİN sözçüsü görülən tədbirlər nəticəsində rejissorun saxlanıldığını və qarşı tərəfin əməlini etiraf etdiyini qeyd edib. Bundan sonra Cinayət Məcəlləsinin 221-ci maddəsi ilə barəsində cinayət işi açılıb və həbs olunub. Hazırda faktla bağlı istintaq aparılır. Qeyd edək ki, Vüqar Muradov "Yeni Ulduz" yarışmasının iştirakçısı olub.

    Müğənni Nigar Camal gəlinlik geyinib. Sənətçi bunu siması olduğu geyim markalarının birinin reklam çəkilişi üçün etdiyini bildirib. Fotolarını sosial şəbəkədə paylaşan Nigar hər kəsi Ramazan bayramı münasibətilə təbrik edib. Qeyd edək ki, N.Camal hazırda “X Factor” yarışması ilə bağlı Türkiyədədir. O, bütün dünyada yayımlanan müsabiqənin Türkiyə versiyası “Star işığı”nda münsif qismində çıxış edir.

     Müğənni Röya Ayxan İnstaqram səhifəsində gözəl olmadığını yazıb. Sənətçi eyni zamanda hər kəsin Ramazan bayramını təbrik edib: "Düzdür, gözəl deyiləm. Amma gözəllər də yanımda görünmür... Göz dəyməsin, deyək... Ramazan bayramınız mübarək! Bir istəyim var - Allahım ən axmaq insanı belə nəzərindən çıxarmasın. Hər zaman ruzimiz bol, canımız sağ, dilimiz şirin olsun".

      Meyxanaçı Namiq Qaraçuxurlunun səhhətində problem yaranıb. O, belindəki ağrılardan şikayətlənib: "Belimdə oynaq sürüşməsi var. Əməliyyata ehtiyac yoxdur. İdman, üzmə ilə aradan qaldırıram. Əməliyyat olsa belə, getməzdim. Çünki qorxuludur. Bu problem məndə çoxdan yaranıb. Ağır yük qaldırırdım. Hərdən belimdə ağrılar olurdu. Buna görə, "Fort Boyard"a da gedə bilmədim". 

 

Əhəd Miriyev

 

Muz-Tv.az