Nadir Qafarzadənin ifa etdiyi “Maral” mahnısı oğurlandı

Müğənni Nadir Qafarzadənin ifa etdiyi “Maral” mahnısı erməni müğənnisi tərəfindən oğurlanıb...

    Müğənni Nadir Qafarzadənin ifa etdiyi “Maral” mahnısı erməni müğənnisi tərəfindən oğurlanıb.Axşam.az-ın məlumatına görə, sözügedən bəstəni Teymur Javoyan adlı ifaçı lentə aldırıb. O, eyni zamanda mahnını yeni işıq üzü görəcək albomuna əlavə edəcəyini söyləyib.  Qeyd edək ki, sözügedən bəstəni ilk dəfə Türkiyədə müğənni Dilək Şimşək oxuyub. Daha sonra N.Qafarzadə həmin nəğməyə müraciət edib. O, yeni aranjimanda səsləndirdiyi "Maral" bəstəsi ilə Azərbaycanda bu günə qədər olmayan rekord vurub. Belə ki, Nadir yeganə Azərbaycan müğənnisidir ki, “Youtube”da həmin mahnısının baxış sayı 6 milyondan artıqdır.

    Müğənni Xatirə İslam ailəsi ilə İlisuya yollanıb.  Sənətçi bacısı, qardaşı və oğlu ilə çəkdirdiyi fotolarını sosial şəbəkədə paylaşıb.  Bu il xaricə gedə bilməməkdən şikayət edən X.İslam Azərbaycanın bölgələrini gəzmək qərarına gəlib. O, yorğunluğunu bu cür atacağını bildirib.

    Müğənni Gülay Zeynalova ailəsi ilə birlikdə Qaxa dincəlməyə yollanıb. Sənətçi istirahət fotolarını İnstaqram səhifəsində yerləşdirib. O, Qax gəzintisi zamanı xalq artisti Arif Babayevlə qarşılaşdığını yazıb: “Burada ustadım Arif Babayevi gördüm. Mənə 8 il həm kollecdə, həm də konservatoriyada dərs deyib. Allah can sağlığı versin”. Gülay daha sonra yemək hazırlayarkən çəkdirdiyi şəkli paylaşaraq “Bu gözəl yerdə özün bişirib-düşürməsən, günah olar”, - sözlərini əlavə edib. Qeyd edək ki, G.Zeynalova idmançı Kamil Zeynalovla ailəlidir. Cütlüyün Sahilə adlı qızı var.

    Müğənni Miri Yusif də yay istirahətini ailəsi ilə dincələrək keçirir.  Sənətçi həyat yoldaşı Nərgiz xanım və övladları ilə çəkdirdiyi fotonu İnstaqram səhifəsində paylaşıb.

 

Əhəd Miriyev

 

Muz-Tv.az