Konserti təxirə düşən əcnəbi sənətçilər

Azərbaycanın 13 hərbçinin ölüm xəbəri ilə sarsıldığı bir vaxtda Türkiyənin məşhur müğənnisi Doğuşun Bakıda konsert proqramı ilə çıxış edəcəyi ilə bağlı xəbər...

      Azərbaycanın 13 hərbçinin ölüm xəbəri ilə sarsıldığı bir vaxtda Türkiyənin məşhur müğənnisi Doğuşun Bakıda konsert proqramı ilə çıxış edəcəyi ilə bağlı xəbər vermişdik. İfaçı rəsmi İnstaqram səhifəsində konsertin təxirə düşdüyünü açıqlayıb: “Azərbaycandakı konsertimi təxirə saldım. Şəhidlərimizə Allahdan rəhmət diləyirəm. Başqa zamanda görüşmək ümidi ilə...”

     Daha bir addım isə Rusiyanın tanınmış qrupu “Serebro”dan gəldi. Avqustun 2-də Bakıda keçirilməsi planlaşdırılan konsert məlum səbəblərdən təxirə düşüb. Qrup üzvləri İnstaqram səhifələrində bununla bağlı yazaraq, çox təəssüfləndiklərini bildiriblər: “Gözəl Bakıya gələcəkdik. Hüznlə və üzülərək bildiririk ki, matəmlə əlaqədar konsertimiz təxirə düşüb. Azərbaycanlıları çox sevir və hörmət edirik. Qərara gəldik ki, səfərimizin tarixi mütləq dəyişdirilməlidir. Konsert avqustun sonunda baş tutacaq. Bütün qəlbimizlə sizinləyik”.

     Konserti təxirə düşən sənətçilər arasında Ukraynanın əməkdar artisti, rəqqasə Alla Kuşnirin də var. Bu haqda konsertin təşkilatçısı , aparıcı Zemfira Adıgözəlova məlumat verib. O, şəhid olan  əsgərlərin ruhuna hörmət əlaməti olaraq bu addımı atdığını deyib: "Bu vəziyyətdə konsert keçirə bilmərəm. Əsgərlərimizin şəhid olması xəbərinə çox pis oldum. Ürəyim qan ağlayır, konserti təxirə saldım. Alla Kuşnirlə əlaqə saxladım. O da belə halda konsertdə çıxış etmək istəmədiyini dedi. Şəhid ailələrimizə başsağlığı verdi".

 

Sərvər Mehdiyev

 

Muz-Tv.az