Müğənnilər istirahətə nə qədər pul xərcləyib?

Qətiyyən yaşımın üstünə yaş gəldiyini hiss etmirəm. Bu sözləri 45 yaşlı ekstravaqant müğənni Samir Bağırov deyib.  

     Qətiyyən yaşımın üstünə yaş gəldiyini hiss etmirəm. Bu sözləri 45 yaşlı ekstravaqant müğənni Samir Bağırov deyib. Onun sözlərinə görə, özünü hələ də 25 yaşında hesab edir. İfaçı bildirib ki, dostu stilist Samir işlərində ona çox dəstək olur və yeni mahnılarını da elə onun məcburiyyəti ilə ifa edib.
     Rəqqasə Fatimə Fətəliyeva istirahətinə 10 000 manata yaxın pul xərcləyib. Azərbaycandan kənarda dincələn rəqqasə Çin və Türkiyədə olub. Çində tək istirahət edən rəqqasə daha sonra qızı ilə bərabər qardaş ölkənin Kəmər bölgəsinə yollanıb. Onu da qeyd edək ki, Fatimə tək dincəlməklə kifayətlənməyib və Çindən xüsusi aksessuarlar da alıb.
     İfaçı Səbinə İlyasova efirlərdən uzun müddətdir ki, uzaqlaşmasının səbəbini açıqlayıb. Qardaşını, anasını və atasını itirən ifaçı, böyük dərdi olduğundan oxuya bilmədiyini söyləyib. Müğənni özü haqqında yayılan ölüm xəbərinə də münasibət bildirib: “İncəsənət aləmində məni gözü götürməyənlər çoxdur, yaxınlarımın ölümünə də sevindilər” –deyə o, təəssüflə vurğulayıb. Müğənni qeyd edib ki, şayiələri yayan da elə öz həmkarlarıdır. Qeyd edək ki,ifaçı tezliklə efirlərdə görünəcəyini və artıq özünü buna hazır hiss etdiyini bildirib.
    Türkiyənin tanınmış müğənnisi Sibel Can əməkdar artist Aygün Bəylərlə duet oxumağa iddalıdır. Bu barədə bəstəkar Gövhər Həsənzadə açıqlama verib. Onun sözlərinə görə, təklif Sibel Candan gəlib: “Sibel Can müğənni Aygün Bəylərlə duet oxumaq istəyir. Bu yeni layihəmə daxildir. Təbii ki, qarşılıqlı razılıq olarsa bu işbirliyi baş tutacaq” –deyə o, qeyd edib. Bəstəkar yeni layihəsinə Aygün Kazımova və Gökhan Özənin duetinin də daxil olduğunu bildirib: ”Cütlük bəstələrimdən biri olan “Bir gecəlik” adlı mahnını oxuyacaq. Bu işin ərsəyə gəlməsi Türkiyədəki görüşmələrimiz çərçivəsində baş tutacaq”.- deyə o, məsələyə aydınlıq gətirib.
    Yenicə istirahətdən qayıdan müğənni Nadir Qafarzadə avropalıların soyuqqanlılığından danışıb. O, bildirib ki, ailəsi ilə birlikdə Latviyada, Yunanıstanda və Türkiyədə olub. “Avropalılar çox soyuqqanlıdır. Qurban olum, bizimkilərə. insanları istiqanlı və qonaqpərvərdir” –deyə o, şikayətlənib.  Müğənni vurğulayıb ki, bütün istirahəti boyu 20 min avro pul xərcləyib.

 

Xəyalə Əzizova

 

Muz-Tv.az