Məryəm Üzərli 3 milyonluq müqaviləyə imza atıb

Oktyabrın 18-i və 19-da Moskvada Müslüm Maqomayev adına III Beynəlxalq Vokalçılar Müsabiqəsi keçiriləcək...

     Oktyabrın 18-i və 19-da Moskvada Müslüm Maqomayev adına III Beynəlxalq Vokalçılar Müsabiqəsi keçiriləcək. Bu haqda M.Maqomayevin rəsmi internet səhifəsində yazılıb. “Crocus City Hall”da baş tutacaq müsabiqədə səhnəyə 9 ölkədən 15 gənc vokalçı çıxacaq. Münsif kürsüsündə M.Maqomayevin həyat yoldaşı, SSRİ xalq artisti Tamara Sinyavskaya əyləşəcək. Qeyd edək ki, adıçəkilən müsabiqə artıq üçüncü dəfədir ki, Rusiyanın paytaxtında keçirilir.

     İyulun 31-də dünyasını dəyişən türkiyəli müğənni Murad Göyəbaxan ölümündən əvvəl "Eşqin göz yaşları" adlı mahnı bəstələyib. O, həzin musiqisinin sözlərini qaldığı binanın divarlarına yazıb. 

     Möhtəşəm yüz il” serialındakı “Hürrəm Sultan” obrazı ilə tanınan aktrisa Məryəm Üzərli yeni mövsüm üçün Star TV ilə müqavilə imzalayıb. Axşam.az Türkiyə mətbuatına istinadən xəbər verir ki, tükənmişlik sindromu səbəbindən rol aldığı serialı yarıda qoyub Almaniyaya gedən Üzərliyə kanaldan 3 milyonluq təklif gəlib. Razılaşmaya əsasən, Məryəm 3 il ərzində kanalın müxtəlif layihələrində iştirak edəcək və bunun müqabilində ona 3 milyon türk lirəsi ödəniləcək. Bu müddət ərzində onun başqa televiziya layihələrində iştirakı qadağandır. 

    Türkiyəli ifaçı Bayhan musiqini tərk edib."Sənət dünyasından pul qazanmaq o qədər də asan deyil" söyləyən ifaçı Ortaköydə “B.Ç.” adlı restoran açıb. Restoranın bütün işləri ilə özü məşğul olan Bayhan aşpazlığı da üzərinə götürüb. Bununla həm xərclərə qənaət etmiş olur, həm də proseslərin gedişatını nəzarət altına alır. 

 

 

Əhəd Miriyev

 

Muz-tv.az