"Miss Globe International" gözəllik müsabiqəsinin mətbuat konfransı keçirildi

Ötən gün Azərbaycanda keçiriləcək 89-cu "Miss Globe International" gözəllik müsabiqəsinin mətbuat konfransı reallaşıb. Tədbir başlamazdan öncə bir dəqiqəlik sükut...

     Ötən gün Azərbaycanda keçiriləcək 89-cu "Miss Globe International" gözəllik müsabiqəsinin mətbuat konfransı reallaşıb. Tədbir başlamazdan öncə bir dəqiqəlik sükut ilə cəbhə bölgəsində şəhid olmuş hərbçilərimizin xatirəsi yad edilib. Müsabiqənin avqustun 27-i "Crystal hall"da keçirilməsi nəzərdə tutulur. Yarışmaya dünyanın 120 ölkəsindən gözəllər qatılacaq. "Miss Globe International"ın direktoru Savaş Ağca sualları cavablandırarkən bildirdi ki, hər kəsin özünü rahat, təhlükəsiz hiss etməsi üçün gücləndirilmiş mühafizə qurulacaq.

    Müsabiqədə qonaq qismində tanınmış simalar- Demet Akalın, Gökhan Özen, İnna, Lolita, Gürkan Uygun, Asena və başqaları iştirak edəcəklər. Aparıcı qismində isə Türkiyənin tanınmış aktrisası Burcu Esmersoy olacaq. Amma ona bu işdə yerli kişi aparıcılarımızdan biri köməkçi olacaq.

    Yarışmanın şüarı "Dünya Azərbaycana gəlir"dir. Dünyaya ev sahibliyi edən və Azərbaycanda keçirilən gözəllik müsabiqəsi canlı olaraq 58 ölkədə yayımlanacaq. Elə səsvermədə də xalq iştirak edə biləcək.Bu il müsabiqədə ölkəmizi təmsil edəcək 18 yaşlı Banu Sücai  özünə güvəndiyini və qalib olmaq üçün əlindən gələni artıqlaması ilə edəcəyini vurğuladı.

     Sonda onu da qey edək ki, "Miss Globe International" ötən il Türkiyədə keçirilib və Braziliya təmsilçisi 1-ci yeri tutaraq ən gözəl xanım adına layiq görülüb. 

 

Sərvər Mehdiyev

Vüsal Həşimov

 

Muz-Tv.az