Faiq Ağayevdən vətənpərvərlik mövzusunda mahnı

Xalq artisti Faiq Ağayev cəbhə xəttində yaranmış gərginliyə münasibətini vətənpərvərlik mövzusunda oxuduğu mahnısı ilə bildirib. 

    Xalq artisti Faiq Ağayev cəbhə xəttində yaranmış gərginliyə münasibətini vətənpərvərlik mövzusunda oxuduğu mahnısı ilə bildirib.  Axşam.az-ın məlumatına görə, müğənni “Marş-çağırış” adlı nəğməsinə hazırlanan video-çarxı “Facebook” səhifəsində paylaşaraq bunları qeyd edib: “Bu mahnı son hadisələrə münasibətimdir. Allah Azərbaycan əsgərini qorusun". 

    Xalq artisti Brilliant Dadaşova cəbhədəki döyüşlərdən yazıb. Müğənni əsgərlərimizə dua edib: “Kaş yurdumuzda heç vaxt müharibə olmasın. Kaş zabit və əsgərlərimizə yalnız mükafat verək. Bəd xəbər eşitməyək. Analar ağlamasın. Dünya sülh içində yaşasın. Vətən, başın sağ olsun. Kənardan baxan çoxlarının Vətənimizin uğurlarını gözləri götürmür, göz yaşlarımızı görüb sevinirlər. Ona görə də, ağrımızı içdən çəkmişik. İllərdir buna öyrəşmişik”. B.Dadaşova sosial şəbəkədə həmkarlarının 8 əsgərin şəhid olduğu gün efirə çıxıb mahnı oxumaları ilə bağlı qınaqlara isə belə cavab verib: “Həmin müğənnilər verilişdən sonra bu xəbəri eşidiblər. Peyğəmbərimiz də musiqinin, Davud Peyğəmbərin səsinin gözəlliyindən danışıb. Mədəniyyət xadimlərimizi şou göstərənlərlə səhv salmayaq. Hələ kimisə təqlid edən təlxəklərin bura heç aidiyyatı yoxdur”.

    “Eurovision 2011” mahnı müsabiqəsinin qalibi Eldar Qasımov Ukraynaya gedib. Sənətçi ukraynalı ifaçı Zlata Aqneviçlə bir araya gələrək, “İce and fire” (“Buz və alov”) adlı duet oxuyub. Onlar həmin mahnıya klip də çəkdirəcəklər. Eldar və Zlatanın yeni layihəsi Ukraynanın “Uşaq Eurovision” müsabiqəsinə təmsilçisinin seçildiyi gecədə təqdim olunacaq. Daha sonra duet Azrbaycan dinləyicilərinin ixtiyarına veriləcək.

     Hazırda Hindistanda olan rəqqasə Oksana Rəsulova sevənlərinə müraciət edib.  “İndias Best Cine Star Ki Khoj” rəqs yarışmasında finala qalan sənətçi ona səs verilməsini istəyib. İki həftədir davam edən yarışmada 12 finalçıdan 2-si şounu tərk edib. Bu həftə daha bir iştirakçı müsabiqə ilə vidalaşacaq: “Mən hələ ki, Hindistanda şoudayam. İki nəfər çıxıb. 10 nəfər qalmışıq. Bu həftə sonu daha iki iştirakçı yarışmanı tərk edəcək. Mənə dəstək olan hər kəsə minnətdarlığımı bildirirəm. Müsabiqədə qalmaq üçün mənə onlayn səs vermək lazımdır. Həftənin birinci gününə qədər səs göndərin”.

 

 

 

Əhəd Miriyev

 

Muz-Tv.az