Əcnəbi modellər Türkiyədə dava saldı

Dünyaca məşhur modellər Keyt Moss və Naomi Kempbell Bodrumda istirahətə yollanıblar.

     Dünyaca məşhur modellər Keyt Moss və Naomi Kempbell Bodrumda istirahətə yollanıblar.Axşam.az xarici Türkiyə mətbuatına istinadən xəbər verir ki, ötən il Bodrumu kəşf edən Keyt yaxın rəfiqəsi Naomiyə də oranı tövsiyə edib. Ulduzlar bu dəfə tək deyil, birlikdə Bodruma gedibər. Səyahət etdikləri hər yerdə söz-söhbət yaradan rəfiqələr bu dəfə foto çəkdirmək istəyən xanımı əlləri ilə itələyiblər. Bundan sonra tərəflər arasınmda mübahisə başlayıb. Təhlükəsizlik işçiləri məsələni aydınlaşdırıb vəziyyəti sakitləşdirsələr də, Keyt və Naomi məkanı tərk ediblər. 

    Türkiyənin pop ulduzu Tarkan ikinci albomunda yer alan “Hop de” mahnısının klip çəkilişlərini yekunlaşdırıb.Ekran işi üçün prodüser İskəndər Paydaşla kamera önünə keçən Tarkan fərqli imici ilə diqqət çəkib. İlk dəfə olaraq İ.Paydaşla ortaq bir layihədə çalışan meqa starın yeni klipinin rejissoru Murad Kiçikdir.

    Türkiyəli müğənni, “Eurovision 2003” qalibi Sərtap Ərənər yıxılaraq əzələ travması alıb. Konsertlərindən biri zamanı səhnədə rahat rəqs edə bilməyən sənətçi açıqlama verərək, su xizəyi öyrənmək istəyərkən sürüşüb yıxıldığını deyib: “Bu aralar su xizəyinə marağım yaranıb. Ötən gün məşq zamanı üzüstə yerə düşdüm, əzələ travması almışam, bu səbəbdən rahat hərəkət edə bilmirəm”

    Xəbər verdiyimiz kimi, türkiyəli müğənni Halil Sezai Bodrumda dincələrkən zibil yığanlar tərəfindən döyülmüşdü. Ötən gün məkanların birində konsert verən ifaçı onu döyənləri də gecəyə dəvət edib. Oteldə qalmaq əvəzinə, həmin məkanda gecələyən H.Sezai səhəri əlində içki şüşəsi ilə açıb. “Mən belə xoşbəxtəm. Zibil yığanlar gəlib konsertimi izlədilər” deyən sənətçinin bu iddialarının yalan olduğu üzə çıxıb. Belə ki, bələdiyyənin məsul şəxsləri bu xəbəri “Bizi dəvət eləmişdi, ancaq heç kim getmədi”  şəklində yalanlayıb. 

 

Əhəd Miriyev

 

Muz-Tv.az