Natavan Həbibi növbəti konsertinə hazırlaşır

Müğənni Natavan Həbibi növbəti konsertinə hazırlaşır. Sənətçi bu dəfə Nabranda çıxış edəcək. Konsert avqustun 16-da “Atlant” istirahət mərkəzində baş tutacaq. 

    Müğənni Natavan Həbibi növbəti konsertinə hazırlaşır.  Sənətçi bu dəfə Nabranda çıxış edəcək. Konsert avqustun 16-da “Atlant” istirahət mərkəzində baş tutacaq. Hit mahnılarını səsləndirəcəyini deyən N.Həbibi sevənlərinə əyləncəli anlar yaşadacağını vəd edir.

    Müğənni Xatirə İslam uzun illərdən sonra ilk dəfə dənizə gedib. Həmişə bağında dincəlməyə üstünlük verən sənətçi oğlu ilə çimərliyə yollanıb. Yeni fotolarını İnstaqram səhifəsində paylaşan ifaçı “Neçə illər ərzində ilk dəfə dənizdə” deyə bildirib.  Xatirə daha sonra oğlu üçün bunları qeyd edib: “Allah bütün balaları saxlasın, içində də mənimki. Amin! Allah olmayanlarada qismət etsin”.

    Əslən azərbaycanlı olan Rusiyanın tanınmış müğənnisi Bahh Tee Bakıda konsert verəcək. Avqustun 17-də baş tutacaq konsert müğənni-bəstəkar Eminin sahib olduğu “Sea Breeze”də keçiriləcək. Gecədə sevilən mahnılarını səsləndirəcək ifaçı qonaqlara sürprizlər də vəd edib. Konsertə biletlərin qiyməti 50-20 manatdır.

    Müğənni İradə İbrahimova ailəsinin yeni fotolarını İnstaqramda paylaşıb. Balaca İpəyin şəkillərdəki hərəkətləri hamını təəccübləndirib. Eyni zamanda İ.İbrahimovanın daha da arıqlaması ilə bağlı şərhlər yazılıb. Qeyd edək ki, İradə türkiyəli iş adamı Ceyhun İzərlə ailə qurub. Türkiyədə yaşayan sənətçi ailəsi ilə birlikdə Bodrumda dincəlir.

 

Əhəd Miriyev

 

Muz-Tv.az