Tünzalə Ağayeva yeni döymə etdirib

Əməkdar artist Tünzalə Ağayeva qoluna yeni döymə etdirib...

    Əməkdar artist Tünzalə Ağayeva qoluna yeni döymə etdirib. Axşam.az-ın məlumatına görə, müğənni yay ərzində bir neçə dəfə qoluna müxtəlif şəkillər çəkdirib.Yeni şəkillərini İnstaqram səhifəsində paylaşan ifaçının qolundakı naxışa sənət dostları da münasibət bildirib. Onlar əməkdar artistin yeni görünüşünü bəyəndiklərini qeyd ediblər. Qeyd edək ki, T.Ağayeva tatunu çox sevdiyini və qoluna body-art etdirdiyini bildirib. O, qalıcı olmayan şəkilləri tez-tez dəyişməyi xoşlayır. Müğənni bundan əvvəl çiyninə gül, kəpənək şəkilləri və Şəms Təbrizinin "Dünya da dəyişər" sözlərini yazdırmışdı.

    Müğənni Xəyyam Nisanov türkiyəli ifaçı Zinət Sali ilə duet oxuyub. Bu haqda müğənni-bəstəkar Murad Arif bildirib. O, duetin bu gün TRT-də yayımlanan “Ən bəyaz gecələr” verilişində təqdim ediləcəyini deyib: “Son beş ildə Türkiyə gündəmində meydan oxuyan Zinət Sali və Xəyyam Nisanov “Ən beyaz gecələr” proqramında Murad Arif imzalı layihəni təqdim edəcəklər”. M.Arif əməkdaşımızla söhbətində duetə klip çəkiləcəyini də bildirib. Qeyd edək ki, veriliş bu gün TRT-də Bakı vaxtı ilə 23:45-də yayımlanacaq.

   Əməkdar artist Abbas Bağırov beş il əvvəl çəkdirdiyi fotosunu paylaşıb. Kök halından narazı olan müğənni xeyli arıqladığını bildirib.  O, “Şükür bu günümə. Məqsədimə çatdım” sözlərini yazıb. A.Bağırov idman vasitəsiylə arıqladığını bildirib.

    “Eurovision 2013” təmsilçimiz Fərid Məmmədovun yeni fotoları yayılıb. Müsabiqədən sonra gündəmdən uzaqlaşan ifaçı hazırda Maltadadır. O, gəzintidən olan şəkillərini İnstaqram səhifəsində paylaşaraq “Sevinirəm ki, çox həssas və emosional insanam. Bir şeyi dəqiq bilmirəm. Amma sevirəm, məhz bu sevgi məni bilmədiyim bir şeyə doğru getməyə sövq edir, dayanmağa qoymur" sözlərini yazıb.

 

Əhəd Miriyev

 

Muz-Tv.az