Elza Seyidcahanın qızının nişanı oldu

Ötən gün əməkdar artist Elza Seyidcahanın qızı Gülşənin nişan mərasimi olub.
Ötən gün əməkdar artist Elza Seyidcahanın qızı Gülşənin nişan mərasimi olub. Axşam.az-ın məlumatına görə, mərasimdən fotolar sosial şəbəkədə yayılıb. Müğənni nişanı mediadan gizlin edib. Gecədə yalnız cütlüyün yaxınları olub. Qeyd edək ki, E.Seyidcahan qızının öz sevib-seçdiyi oğlanla ailə qurmağa hazırlaşdığını demişdi. O, toyun gələn il yayda olacağını bildirib.
Müğənni Vasif Məhərrəmli bölgələri gəzintiyə çıxıb. Antalyada dincələn sənətçi Bakıya qayıdan kimi Qəbələyə, Lahıca və Zaqatalaya gedib. V.Məhərrəmli istirahətdən fotolarını İnstaqram səhifəsində paylaşıb. Sənətçinin həmin şəkillərini təqdim edirik.
Müğənni Röya Ayxan sosial şəbəkədə onu izləyənlərə müraciət edib. Sənətçi fotolarına təhqiramiz şərhlər yazanlara xəbərdarlıq ünvanlayıb. Röya, hətta ona nalayiq söyüşlər ünvanlayan bir qızı tapdığını deyib: “Hamınızdan üzr istəyib bunu paylaşıram. Dünən gecə bir qız məni təhqir etdi, bu gün onu tapdım. Məni tanımayan və layiq olmayan biri idi. Çünki mən kiməsə söz desəm, onun arxasında durardım. Bu gündən səhifəmə girib, təhqir edənlərə üzümü tutub deyirəm: Ağıllı olun. O qızı bağışladım. Çünki mənim də günahımı bağışlayan Allahım var. Onun quluyam”.
Türkiyəli müğənni Sinan Akçıl İnstaqram səhifəsində Azərbaycandan yazıb. Yenicə işıq üzü görən “Xatırlasana” mahnısının ölkəmizdə ən çox yüklənən bəstə olması ifaçını təəccübləndirib. O, Bakıya salamlar göndərərək, tezliklə burada konsert verəcəyini bildirib: “Xatırlasana” mahnısının işıq üzü görməsinin ikinci günü qardaş ölkənin yükləmə siyahısı məni xoşbəxt etdi. Bütün Azərbaycana və Bakıya salamlarımı göndərirəm. Bu yaxında konsertdə görüşəcəyik”.
Əhəd Miriyev
Muz-Tv.az