Faiq Ağayev haqqında heç vaxt danışmadığı oğlunu təbrik etdi

Xalq artisti Faiq Ağayev haqqında heç vaxt danışmadığı oğlunu təbrik edib. 

    Xalq artisti Faiq Ağayev haqqında heç vaxt danışmadığı oğlunu təbrik edib. Axşam.az-ın məlumatına görə, müğənni bu gün ad günü olan övladı haqqında “Facebook” səhifəsində yazıb: “04:05-də dünyaya göz açdın. Anlamırdım. Vur-tut 17 yaşım var idi. Qəfildən yağış yağdı, 5 dəqiqəlik. Bax nədənsə o yadımda qaldı. Bu gün başqayam. İgid, yaraşıqlı, istedadlı, ər oğlum – 25 yaşın mübarək. Yaxınsan, uzaqlardayam”.

    Meyxanaçı Namiq Qaraçuxurlu valideynlərini evlilik ildönümü münasibətilə təbrik edib. Sənətçi təəssüratlarını İnstaqram səhifəsində bölüşüb: “Atamla anamın evlənməyinin 40 ili tamam olur. Bunu ailəmizlə birlikdə qeyd etdik. Valideynlərimi təbrik edirəm. Allah sizi başımızın üstündən əskik etməsin. Fürsətdən istifadə edib əməkdar artist Elza Seyidcahana təşəkkürümü bildirirəm. Təsadüfən xəbər tutub sevincimizə qoşuldu. Hədiyyələrə görə çox sağ olun”. Qeyd edək ki, E.Seyidcahan N.Qaraçuxurlunun valideynlərinə çiçək dəstəsi və hədiyyə göndərib.

    Xalq artisti Brilliant Dadaşova rəfiqəsi ilə birlikdə bağında çəkdirdiyi fotoları sosial şəbəkədə paylaşıb. Müğənni uşaqlıqdan rəfiqəlik etdiyi xanımdan yazıb: “Atalar demiş: Hər şeyin təzəsi, dostun köhnəsi. Bu gün uşaqlıqdan bəri birlikdə olduğumuz anları rəfiqəm Gülnarla bir-bir xatırladım. Bu gün bir-birimizdən həmişə olduğu kimi, yenə nəsə öyrəndik. Amma mən çox şadam ki, artıq mənim də ayrıca ürək sözlərimi bölüşdüyüm “Facebook” dostlarım var. Əsl dost qəlbdən-qəlbə gedən yoldadır. Yəni, o da, siz də hər an qəlbimdəsiniz”.

    Eurovision 2011” qalibi Nigar Camal qızları ilə birlikdə Bakıya gəlib. Londonda yaşayan ifaçı övladları ilə fotolarını İnstaqram səhifəsində paylaşıb. 

 

Əhəd Miriyev

 

Muz-tv.az