Röya Ayxan: “Bu il sizi ağladacam”

Müğənni Röya Ayxan yeni mahnısının sözlərini İnstaqram səhifəsində paylaşıb. Axşam.az-ın məlumatına görə, sənətçi bunun yeni albomuna daxil...

    Müğənni Röya Ayxan yeni mahnısının sözlərini İnstaqram səhifəsində paylaşıb. Axşam.az-ın məlumatına görə, sənətçi bunun yeni albomuna daxil edəcəyi sonuncu bəstə olduğunu bildirib: “Bu da növbəti alboma daxil olacaq sonuncu mahnıdan bir parça. Bu il sizi ağladacam ey...”.

    Əməkdar artist Tünzalə Ağayeva yeni mahnısını təqdim edib. “Gözləyirəm” adlanan bəstənin sözləri millət vəkili Qənirə Paşayevaya, musiqisi isə müğənninin özünə məxsusdur.  Mahnının aranjimanını Emin Kərimi edib. T.Ağayeva bəstəni dinləyicilərin iTunes proqramı vasitəsilə əldə edə biləcəklərini söyləyib: "Əziz dostlarım, yeni mahnımı təqdim etmək sevincimi sizlərlə bölüşürəm. Bu uğurlu işimizə görə, bacım Qənirə Paşayevanı da təbrik edirəm".

    Aşıq Samirə Əliyeva yeni mahnısına klip çəkdirib. Sənətçi “Tovuzum” adlanan mahnının ekran həllini rejissor Nail Naiboğluna həvalə edib. Tovuzda lentə alınan klipdə şəhərin görüntüləri yer alıb. 

    Müğənni Sevinc Musayeva dünyaca məşhur ifaçı Sara Braytmənin mahnısını oxuyub. İfaçı Saranın “harem” mahnısını Azərbaycan dilində səsləndirib. Bəstənin azərbaycanca sözlərini Sevincin bacısı, Aygün Musayeva yazıb. 

 

Əhəd Miriyev

 

Muz-Tv.az