Aygün Kazımova konsert verəcək

Xalq artisti Aygün Kazımova solo konsertə hazırlaşır. Axşam.az-ın məlumatına görə, müğənninin növbəti konserti avqustun 29-da Nabranda - "Atlant” istirahət 

    Xalq artisti Aygün Kazımova solo konsertə hazırlaşır. Axşam.az-ın məlumatına görə, müğənninin növbəti konserti avqustun 29-da Nabranda - "Atlant” istirahət mərkəzində baş tutacaq. A.Kazımova gecədə “Super şou” göstərərək sevilən mahnılarını səsləndirəcək. Qeyd edək ki, uzun müddətdir İstanbulda olan xalq artisti Bakıya qayıdıb. O, arıqlayaraq, saç düzümünü dəyişib.

    Rəqqasə Oksana Rəsulova onu təhqir edənlərə ismarıc göndərib. İfaçı sosial şəbəkədə onun ünvanına nalayiq sözlər yazanlara bunları deyib: “Mənim səhifəmə abunə olan paxıl insanlar kiminsə xahişi ilə mənə haqsız və tərbiyəsiz şərhlər yazırlar. Onlar öz səviyyələrini göstərirlər. Şəxsiyyəti bilinməyən həmin adamlara demək istəyirəm ki, siz nə qədər yazsanız da, pozsanız da, mənə heç vaxt çata bilməyəcəksiniz. Ay yazıqlar, siz qara siyahıdasınız və həmişə də orada olacaqsınız. Ora sizin ən rahat yerinizdir. Çürüyün orada. Dostlar, xahiş edirəm, belə insanlara fikir verməyin. Məni sevməyənlər çoxdur, amma sevənlərim onlardan da artıqdır. Hər zaman var olun”.

    Müğənni Çingiz Mustafayev uzun saçlarını kəsdirib. Sənətçi yeni imicdə şəkillərini sosial şəbəkədə paylaşaraq bunları qeyd edib: “Yaxşı oğlanın saçı qısa olar" prinsipinə əsaslanıb, saçlarımı kəsdirmək qərarına gəldim. Mesaj ünvanına çatdı”. 

    Müğənni Elvin Abdullayev “Ürək qoymadın” adlı mahnısına çəkdirdiyi klipi təqdim edib. Musiqisi sənətçinin özünə, sözləri Altay Yaşara aid olan bəstənin rejissoru ifaçının həyat yoldaşı Afət Abdullayevadır. Klipdə türkiyəli model çəkilib. 

 

Əhəd Miriyev

 

Muz-Tv.az