Azərbaycanlı müğənni intihar edib
23 yaşlı müğənni Sura Əsgərli bağ evində intihar edib. Bakıda intihar edən gənc müğənni Sura Əsgərli ilə bağlı bəzi məqamlar üzə çıxıb.
23 yaşlı müğənni Sura Əsgərlibağ evində intihar edib. Bakıda intihar edən gənc müğənni Sura Əsgərli ilə bağlı bəzi məqamlar üzə çıxıb. Lent.az-ın hüquq-mühafizə orqanlarından əldə etdiyi məlumata görə, 1991-ci il təvəllüdlü müğənni Əsgərli Sura İlham qızı özünü Xəzər rayonu Buzovna qəsəbəsində yerləşən mənzildə asaraq intihar edib. Gənc müğənni avqustun 23-də Buzovna qəsəbəsi Qaçaq Nəbi küçəsi 3 ünvanındakı evdə kimsənin olmadığı vaxt tavandakı taxtaya ip bağlayaraq özünü asıb. Onun asılı vəziyyətdə qalmış meyitini yaxınları həmin gün axşam saatlarında aşkarlayıblar.
Müğənni-bəstəkar Emin bu dəfə konsert üçün Türkiyəni seçib. Bu yay Avstraliya, Azərbaycan və bir çox ölkələrdə konsert verən ifaçı Kəmərdə şou göstərəcək. Avqustun 30-da “Rixos Sungate”də baş tutacaq mərasimdə Emin maraqlı anlar yaşanacağını vəd edib. Qeyd edək ki, Türkiyə konsertindən sonra müğənni sentyabrın 6-da Moskvada çıxış edəcək.
Xalq artisti Brilliant Dadaşova açıq-saçıq fotolarından danışıb. Müğənni həmin şəkilləri haqqında yazılan rəylərə cavab verib: “Vay, xalq artistinin də ayağı var imiş. O da Maldivdə 60 dərəcə istidə, həm də dəniz kənarında torpağın üstündə qısa paltarda telefonuna şəkil çəkdirə bilərmiş. Olmazdı ki, “periferiyadan” gəlib Maldivdəkilərə mədəniyyət öyrədərdi. Biabırçılıq... Əzizlərim, vaxt gələcək, 21-ci əsrin sonunda sizin övladlarınız açıq-saçıq geyim anlayışınıza güləcəklər. Sizin "açıq-saçıq" düşüncənizə quzu kəsim. Mənim yaşıma nə olub ki? İnterneti açın, Tina Törner, Ajda Pekkanın yaşına baxın, görün, dünyada 70 yaşı olan insanlar necə görünürlər. Özümüzü nə üçün bu qədər kiçildirik? Heç vaxt gözəllik iddiasında olmamışam. Hər zaman demişəm ki, evimizin ən çirkin qızı mənəm”.
Əməkdar artist Abbas Bağırov başına gələn maraqlı hadisədən danışıb:"10 il bundan öncə düşdüyüm qəzada ayağımdan zədə almışdım. İndiyədək yağış yağanda, soyuq olanda ağrılar başlayır. Bir dəfə dostumla oturmuşduq. Onun pişiyi özünü ağrı olan yerə sürtdü. Pişik ayağıma sürtündükcə xırıltılı səslər çıxarırdı. Ağrı həmin an yox oldu".
Əhəd Miriyev
Muz-Tv.az