Zamiq Hüseynovun tərəf müqabili bəlli oldu

Müğənni Zamiq Hüseynovun tanınmış aparıcı ilə klip çəkdirəcəyi haqda xəbər vermişdik. 

     Müğənni Zamiq Hüseynovun tanınmış aparıcı ilə klip çəkdirəcəyi haqda xəbər vermişdik.  Axşam.az-ın məlumatına görə, sənətçi “Nargis” nəşriyyat evinin direktoru Könül Nağıyevanı ekran işinə çəkib. Klip “Həyat çətindir” adlı mahnıya çəkilir. Ekran işinin rejissorluğu Fuad Əlişova həvalə edilib.

     Müğənni Ayan Babakişiyeva dəniz fotosessiyası üçün kamera qarşısına keçib. Kameraya bir-birindən fərqli pozalar verən ifaçı dənizi çox sevdiyini bildirib: “Dənizi, üzməyi çox sevirəm. Xaricdə olanda uzaqlara qədər üzürəm. Azərbaycanda dənizdə daşlıq çoxdur, burada ancaq dənizkənarında oturmağa gəlirəm. Dənizə baxanda sakitləşirəm. Həftədə bir neçə dəfə qızım Selena ilə dəniz kənarına gəlirəm. Uşağa təmiz hava xeyirlidir, ana-qız birlikdə vaxt keçiririk”.

     Müğənni və rəqqasə Sevda Sanəliyeva İnstaqram sosial şəbəkəsində yeni fotosunu paylaşıb. Sənətçinin şəkildə hamilə olduğu diqqət çəkib. İzləyiciləri bu münasibətlə onu təbrik edib və S.Sanəliyeva isə təşəkkürünü bildirib. Xatırladaq ki, S.Sanəliyeva bu ilin iyununda iş adamı ilə ailə həyatı qurub. Bununla belə, o, bəlli olmayan səbəblərdən toyunun olmasını inkar etmiş, bunu yalan adlandırmışdı. 

     Müğənni İlhamə Qasımova uzun fasilədən sonra yenidən Azərbaycan dilində mahnılar oxuyacaq. İfaçı gec-gec yeniliklər etməsinin səbəbini də açıqlayıb: “Mənim kimi ifaçı üçün bir layihəni ərsəyə gətirmək çətindir. Son iki ili çox yorulmuşdum. Bir ayağım burda, bir ayağım xaricdə idi. Bir az dincəldim. Həm də son vaxtlar Azərbaycan dilində bəstələr oxumurdum, bizim şou-biznesdən uzaqlaşmışdım. İndi istəyirəm, bir mahnı təqdim edim. Studiyaya getmək, bəstə oxumaq mənim üçün zülmdür. Almaniyada mahnını yazdırmaq üçün studiyaya ağlaya-ağlaya gedirdim. Çünki orada hər şeyə çox fikir verirdilər, diqqət edirdilər”.

 

Əhəd Miriyev

 

Muz-Tv.az