Brilliant Dadaşova: “Evimizdə kondisioner yoxdur”

Xalq artisti Brilliant Dadaşova bağında dincələrkən çəkdirdiyi fotoları sosial şəbəkədə paylaşıb. 

    Xalq artisti Brilliant Dadaşova bağında dincələrkən çəkdirdiyi fotoları sosial şəbəkədə paylaşıb. Axşam.az-ın məlumatına görə, müğənni fotoların yanına “Heyif ki, yayın bitməsinə az qalıb” sözlərini yazıb. B.Dadaşova daha sonra “Evimizdə kondisioner yoxdur, havayı versələr də götürmərəm. Bağ evinə isə heç lazım deyil. Onda o bağ olmaz ki... Adam da bağa gəlib, kondisionerdə oturar? Tərləmək lazımdır ki, bədəndəki duzlar çıxsın. Kondisionerin zərərlərini oxuyun, təbii yaşamağın faydalarını öyrənin”.

    Xalq artisti Zülfiyyə Xanbabayeva yeni mahnısını dinləyicilərin ixtiyarına verib. “Duyğular” adlanan bəstənin sözləri MC Murad-a, aranjimanı Emin Kərimiyə məxsusdur. 

    Müğənni Günay İbrahimli xəyanətdən danışıb. Sənətçi belə bir halla rastlaşdığını etiraf edib: "Xəyanət sözü çoxlarına adi görsənsə də, əslində çox ağır və hər adamın qaldıracağı yük deyil. Xəyanəti görəndən sonra insanlara güvənmək çətin olur. Bir dəfə o zərbəni alan adam inamsızlaşır. Həm dostluqda, həm də sevgidə mənə xəyanət edilib. Kiməsə bunu etdiyim yadıma gəlmir. Özümə rəva bilmədiyimi başqasına yaraşdırmaram. Xəyanəti bağışlamaq olmur. Bağışlasan da içindəki şübhələri heç vaxt unuda bilmirsən. O isə nə vaxtsa həyatında problem yaradacaq. Hərdən qadınların xəyanət etdiklərini eşidirik. Bu hərəkət bir yana, heç  o kəlməni də qadınlara yaraşdırmıram. Qadın və xəyanət sözlərinin yan-yana hallanması  belə pisdir”.

    Müğənni Sevinc Musayeva sosial şəbəkələrdə çox vaxt keçirmədiyini bildirib: “Sosial şəbəkələrdə qeydiyyatda olsam da, orada mənə ünvanlanmış bütün suallara, şərhlərə cavab vermirəm. İnsanlar nə gəldi yazırlar. Hətta müğənnilər tanıyıram ki, başqa adla profil açıb, pis fikirlər bildirirlər. Onlara cavab vermirəm, sadəcə silib qara siyahıya salıram. Çox vaxt məni qınayırlar ki, geyimlərindən yazmırsan, bazardan paltar alırsan. Demək istəyirəm ki, mən heç vaxt yediyim yeməyin, geyindiyim brendin adını yazmayacam. Azad ruhlu insanam. Kütlə dalınca getmirəm. Kütləni öz arxamca aparacam”.

 

Əhəd Miriyev

 

Muz-Tv.az