Britni Spirs evdar qadına bənzəyir

Müğənni Britni Spirs son zamanlar baxımsızlığı ilə tez-tez qınaq obyektinə çevrilir.

    Müğənni Britni Spirs son zamanlar baxımsızlığı ilə tez-tez qınaq obyektinə çevrilir.Axşam.az xarici mətbuata istinadən xəbər verir ki, səhnədə geyim tərzi ilə göz qamaşdıran Britni gündəlik həyatda zövqsüz geyimi ilə təəccüb doğurur. Bu günlərdə ulduz yenidən paparatsilərin hədəfinə tuş gəlib. Qərb mətbuatı ulduzun məşhurdan daha çox evdar qadın görünüşündə olduğunu yazıb. Dəfələrlə tənqid olunmasına baxmayaraq Spirs gündəlik həyatda öz rahatlığını heç nəyə qurban vermək fikrində deyil. 

    Məşhurların cavanlıqlarını qaytarmaq üçün əllərindən gələni əsirgəmədiyi bir vaxtda Hollivudun ən cazibədar aktrisalarından sayılan Şarliz Teron açıqlaması ilə hər kəsi təəccübləndirib. O, artıq 20 yaşlı gənc qız olmadığı üçün çox sevindiyini deyib. Onun sözlərinə görə, qadın yalnız illər keçdikdə özündə gözəlliyi və əminliyi əks etdirən əsl xanım olur: “Mən düşünürəm ki, qadınlar hakimiyyət, daxili şəhvaniyyət və həssaslığı yaş ötdükcə əldə edirlər. Gözəlliyin 20 yaşında olduğunu düşünmək absurd fikirdir. Çünki belələri nə həyat müdrikliyini qazanıb, nə də kişilərlə münasibətdə lazımi təcrübəsi yoxdur. O yaşda insan hələ çətinliklər yaşamır və ona görə qadın yaşlandıqca gözəlləşir”.

    Aktrisa Meqan Foks da ailə həyatı ilə diqqət mərkəzində olan məşhurlar sırasındadır. Bu günlərdə o, həyat yoldaşı və oğlanları ilə birgə paparatsilərin hədəfinə tuş gəlib. İri qara şlyapa taxan Meqan üzünü gizlətməyə çalışıb. Cütlüyün balaca oğlu isə atasının qucağında olub.

     “Victoria’s Secret”in məşhur modellərindən olan Kendis Sveynpol yenidən kamera qarşısına keçib. Markanın geyimlərini reklam edən Kendis olduqca cazibədar görünüb. Dünyanın ən gözəl sarışınları sırasında yer alan Sveynpol rəngarəng geyimlərlə seksuallığını nümayiş etdirib. 

 

Əhəd Miriyev

 

Muz-Tv.az