Aygün Kazımova haqqında gedən söz-söhbətlərə cavab verdi

Xalq artisti Aygün Kazımova Xəzər Rayon Polis İdarəsinə çağırılıb. 

     Xalq artisti Aygün Kazımova Xəzər Rayon Polis İdarəsinə çağırılıb. Axşam.az-ın məlumatına görə, müğənninin ifaçı Natavan Həbibinin şikayəti əsasında polis şöbəsinə çağırılaraq izahatı alınıb. Məsələ ilə bağlı A.Kazımova sosial şəbəkədə açıqlama verib. Avtomobildə gedərkən çəkdirdiyi videonu İnstaqram səhifəsində paylaşan xalq artisti “Canlarım, yolumuz Nabranadır. Qalan söhbətlər isə mənə "vız" gəlir” deyə bildirib.

    Əməkdar artist Elza Seyidcahan kişi-qadın münasibətlərindən bəhs edib. Müğənni güclü cinsin nümayəndələrinin hər zaman qürurlu olmasına önəm verdiyini deyib: “Kişi heç vaxt alçalmamalıdır. Qürurunu qorumağı bacarmalıdır. Qadınla münasibətdə kişi yerini bilməlidir. Əgər nədəsə günahkardırsa, üzr istəsin, amma alçalmadan. Bunun da öz yeri var. İndi qadınlarımız kişi üzərində hökmranlıq etməyə can atmağı xoşlayırlar. Bəzən mübahisələr düşür, bunlar sevgidəndir. Mən kişini ayağına salıb, yalvartmaqdan zövq alan qadınları başa düşmürəm, qəbul etmirəm. İstəyirəm ki, qarşımdakı kişi heç vaxt sınmasın, əyilməsin, kişi kimi davransın”

    Müğənni Rəqsanə İsmayılova dünya ulduzu Alabina ilə birlikdə fotosunu paylaşıb.  Sənətçi Alabina ilə Moskvada toy məclisində bir araya gəldiyini vurğulayıb. Məclisdə Alabina və Rəqsanə ilə yanaşı müğənni Xəyyam Nisanov və skripkaçı Ceyhun da iştirak edib. 

    Müğənni Günay İbrahimli imicini dəyişib. Sənətçi saçlarını uzadaraq, tündləşdirib. Yeni fotolarını sosial şəbəkədə paylaşan ifaçı şəkillərin yanına “İtirmək? Bəzən bunu başa düşəndə çox gec olur” sözlərini yazıb.  

 

Əhəd Miriyev

 

Muz-Tv.az