Vasif Məhərrəmli: “Arxamca danışanın, gərək, güclü dayağı olsun”

Müğənni Vasif Məhərrəmli onun haqqında danışanlara ismarıc göndərib. 

    Müğənni Vasif Məhərrəmli onun haqqında danışanlara ismarıc göndərib. “Mənim arxamca danışanın, gərək, güclü dayağı olsun. Olmasa, haqqımda söz deməyi düzgün deyil. Bir insan barədə danışırlarsa, demək, o var, gündəmdədir. Harasa gedirsən, orada söhbət uzun çəkirsə, axırı mütləq qeybətə çevrilir. Uşaqlıqdan bu sənətdəyəm. Heç vaxt düşünməmişəm ki, bu peşədən pul qazanıb, maşın, ev alacağam. Müğənniliyi sevib gəlmişəm. Bu gün yeni gündəmə çıxan bir ifaçı məni həzm edə bilmir. Onların heç sənəti yoxdur. Ancaq avtomobil və ev haqqında düşünürlər. İndi acınacaqlı hal odur ki, kişilər qeybət etməyə başlayıb. Əvvəl deyirdik ki, “arvad kimi qeybət etmə”. İndi hamı bununla məşğuldur”.

    Əməkdar artist Lalə Məmmədovanın yeni doğulan qızının fotosu yayılıb. Müğənni adını Çinarə qoyduğu körpəsi ilə şəklini İnstaqram səhifəsində paylaşıb. O, fotoya “Onun sevinci mənim sevincimdir” şərhini yazıb. Qeyd edək ki, L.Məmmədovanın Nərgiz adlı daha bir qızı var.

    Rusiyanın seksual qızlarından ibarət “Serebro” qrupu ötən gün Bakının qonağı olub. “Amburan beach club”da konsert verən qızlar istirahətə də vaxt ayırıblar. Dənizdə çimən qrup üzvləri fotolarını sosial şəbəkədə paylaşıblar. Onlar Bakı haqqında fikirlərini də bölüşüblər: “Uzun müddətdir gözlədiyimiz Bakıdayıq. Orada elə külək olur ki, yıxılmamaq üçün özünü güclə tutursan. Hətta şahidi olmuşuq ki, quş belə dayana bilmir. Bura gəlib dənizə girməmək mümkün deyil”.

    Muğam ifaçısı Mətanət Əsədova istirahətə yollanıb. O, Batumidə dincəlmək qərarına gəlib. Gəmi ilə dəniz gəzintisinə də çıxan Mətanət fotolarını İnstaqram səhifəsində paylaşıb. 

Əhəd Miriyev

 

Muz-Tv.az