Brilliant Dadaşovaya 40 min manatlıq üzük bağışladılar

Xalq artisti Brilliant Dadaşovaya dəyəri 40 min manat olan üzük bağışlayıblar. 

    Xalq artisti Brilliant Dadaşovaya dəyəri 40 min manat olan üzük bağışlayıblar. Axşam.az-ın məlumatına görə, brilyant qaşlı üzüyü müğənniyə bəstəkar Tural Bayraməliyev öz toyunda hədiyyə edib. O, üzüyü B.Dadaşovanın barmağına taxaraq, bunu uzun sürən dostluqları şərəfinə etdiyini bildirib. Qeyd edək ki, xalq artisti Tural Bayraməliyevin bəstələdiyi “Səndən ayrı” mahnısını ifa edib və klip çəkdrib.

    Əməkdar artist Lalə Məmmədova payızdan yazıb. Müğənni bağ mövsümünün bitməsinə heyfslənib: “Artıq payızın ilk gününə qədəm qoyduq. Sizi bilmirəm, dostlar, ancaq mən bağı payız aylarında daha çox sevirəm. İndidən darıxıram. Bir neçə gündən sonra şəhərə qayıtmalıyam. Yenə dərslər, çəkilişlər, tədbirlər... Bu günümüzə min şükür. Yenidən gələn yay bağa qayıtmaq ümidi ilə”.

    Müğənni Röya Ayxan İnstaqram hesabından danışıb. Sənətçi hər gün min izləyicisini qara siyahıya saldığını etiraf edib: “Mənim həyatım başdan ayağa selfidir. Bir dəfə şəkil çəkdirmişəm, İnstaqramda paylaşmışam, orada dava gedirdi. 41 min izləyicim var. Gün ərzində min nəfəri “blok” edirəm. Fikirlərini yazırlar, bu normaldır. Amma görəndə ki, sevənlərimlə dava edirlər, onları qara siyahıya salıram. Mən, onsuz da, öz işimdəyəm. Kim yaxşı söz deyir, pis danışır, mənə fərq etməz. Elə ədəbsiz söz yazırlar ki, onu oxumaq çox əcaibdir. Məni başqa yerdən də dostlarım izləyir. Eləsi var ki, girib yazılara baxmaq onun hobbisidir. Ayıbdır, axı”.

    "Eurovision-2014” təmsilçimiz Dilarə Kazımovanın toy günü bəlli olub. İfaçının toy mərasimi sentyabrın 20-i tanınmış restoranların birində  baş tutacaq. Dilarə Kazımova türkiyəli biznesmen ilə ailə quracaq.

 

Əhəd Miriyev

 

Muz-Tv.az