Aybəniz Haşımova rejissorluq edəcək

Sən demə, əməkdar artist Aybəniz Haşımova gözəl pedaqoq və sənətçi olmaqla yanaşı, həm də rejissor imiş. 

   Sən demə, əməkdar artist Aybəniz Haşımova gözəl pedaqoq və sənətçi olmaqla yanaşı, həm də rejissor imiş. Özünü bu sahədə ilk dəfə sınamadığını deyən sənətçi sayca 4-cü işini təqdim edəcəyini söyləyib. Budəfəki sənədli film isə “ Xocalı” faciəsinə həsr olunub. Sözügedən ekran işi sentyabrda təqdim olunacaq.

   Bir çox məşhurlar rejissorluğunu etdiyi filmlərdə pərdəarxasında qalmağa üstünlük verirlər. Aybəniz xanım bu prinsipə əməl edib- etməyəcəyini söyləməsə də, bircə onu bildirib ki,   bu işdə bir çox sənətkarlar rol alacaq.

   Elə düşünməyin ki, sənətçinin başı ancaq bu işlərə qarışıb. O, sözləri İlham Abduyeva, musiqis Naibə Şahməmmədovaya məxsus “Bilməzdim” adlı mahnını ifa edib. Əməkdar artist eksklüziv olaraq “Muz Life” tamaşaçıları üçün  musiqidən bir parça səsləndirməyi özünə borc bilib.

   Xatırladaq ki, hər zaman gənclərə dəstək olan Aybəniz Haşımova bu yaxınlarda xanəndə Vəli Səfərovla birgə  “İntizar” mahnısına çəkdirdiyi  klipi sevənlərinə təqdim edib.

 

Sərvər Mehdiyev

Elfaq Lələyev

 

Muz-Tv.az