Bahh Tee Bakıda klip çəkdirdi

Rusiyada yaşayan azərbaycanlı müğənni Bahh Tee (Bəxtiyar Əliyev) klip çəkdirib. 

     Rusiyada yaşayan azərbaycanlı müğənni Bahh Tee (Bəxtiyar Əliyev) klip çəkdirib. Axşam.az-ın məlumatına görə, ifaçinın «Неужели ты моя» ("Doğrudanmı sən mənimsən?") mahnısına Azərbaycanda çəkdirdiyi ekran işinin rejissoru Emin Muradov, operatoru Orxan Məmmədov, çəkiliş üzrə direktoru isə Pərviz Məmmədovdur. Davamlı olaraq dünyanın müxtəlif ölkələrində 150-dən çox solo konsertlər verən, klipləri Rusiyanın, Ukraynanın, Qazaxstanın və başqa ölkələrin əsas televiziyalarında yayımlanan sənətçinin bundan əvvəl ABŞ, Rusiya, Estoniya ve digər ölkələrdə kliplər çəkdirib. 

     Rəqqasə Oksana Rəsulova Hindistanda keçirilən “İndias Best Cine Star Ki Khoj” rəqs yarışmasındakı növbəti çıxışı ilə də münsifləri və tamaşaçıları təəccübləndirib. Sənətçi ən çox səs toplayan iştirakçı seçilərək, həftənin toxunulmaz siması olub. Bu haqda sosial şəbəkədə yazan Oksana hər kəsə təşəkkür edib: Kim ki mənə səs verib, dəstək olubsa, minnətdaram. Sizin sayənizdə ikinci dəfədir ki, həftənin toxunulmazı oluram. Buna tamaşaçılar qərar verdi. Var olun”. Qeyd edək ki, şou Hindistanın ən məşhur kanalı olan ZEE TV-də hər həftənin şənbə və bazar günü yayımlanır.

     Müğənni Elnur Məmmədov timsah, ilan dərili geyimlər kolleksiyası yığır. Sənətçi bu haqda İnstaqram səhifəsində qeyd edib. O, bu cür libasları çox sevidiyini və dostlarının ona tez-tez belə hədiyyələr etdiyini bildirib.  E.Məmmədov timsah dərili əşyaları ilə çəkdirdiyi fotoları paylaşaraq “Timsah mənim həyatımdır. Dostlarım bilir ki, mən timsah, ilan dərili geyimləri, papaqları, gödəkçələri çox sevirəm. İndi mənə belə hədiyyələr gətiriblər” sözlərini yazıb.

     Keçmiş “Dəyirman” qrupunun üzvlərindən olan, sənətçi Elmirin ailəsi ilə fotoları yayılıb. Reper sözügedən şəkilləri İnstaqram səhifəsində paylaşıb. O, şəkillərin yanına “Qızım, şahzadəm Yunanıstanda dincəlir. Oğlum Teymur dənizdə” sözlərini yazıb. 

 

Əhəd Miriyev

 

Muz-Tv.az