Şarliz Teron: “Bədən quruluşum mükəmməl deyil”

Hollivudun ən gözəl bədən quruluşuna sahib olan aktrisaları sırasında yer alan Şarliz Teron “Luxury” jurnalına verdiyi müsahibə ilə təəccüb doğurub. 

     Hollivudun ən gözəl bədən quruluşuna sahib olan aktrisaları sırasında yer alan Şarliz Teron “Luxury” jurnalına verdiyi müsahibə ilə təəccüb doğurub. Axşam.az-ın xarici mətbuata istinadən məlumatına görə, o, yoqa və düzgün qidalanmağın faydalarından danışıb:“Mən hər zaman bədənimin hansı hissəsində işləməli olduğum mövzusunda düşünürəm. Özümü rahat hiss edirəm və xarici görünüşümdən razıyam. Buna görə yoqaya borcluyam. Qidalanma rejimim isə hər zaman öz qaydasındadır. Faydalı məhsullara üstünlük verirəm və kalorili məhsullardan qaçıram. Piyada gəzməyi xoşlayıram. Hələ uşaqlıqdan gəzməyi çox sevirdim. İndi də itim və oğlum Ceksonla birgə tez-tez gəzintiyə çıxıram. Sağlam qidalanma və aktiv həyat tərzi cazibədar bədənə sahib olmağıma imkan yaradır. Amma buna baxmayaraq, düşünürəm ki, mənim bədən quruluşum mükəmməl deyil”.

     Amerikalı müğənni Cennifer Lopez Britaniyanın “Elle” jurnalı üçün kamera qarşısına keçib. O, müsahibəsində hələ də sevgiyə inandığını söyləyib.

İfaçı bildirib ki, həyatının kişisi ilə qarşılacağına ümidini itirmir: “Mən hələ də sevgiyə inanıram. Ümidliyəm ki, hardasa mənim üçün mükəmməl kişi var. Amma onunla qarşılaşmaq üçün əmək sərf etmək lazımdır”. 45 yaşlı müğənni onu da əlavə edib ki, hər kəs kimi səhv edə bilər: “Mən hirslənirəm, amma taleyin oyunlarına məhəl qoymuram. Münasibətlərim alınmayanda əlbəttə ki, ağır olur. Amma inanıram ki, hər səhv daha da yüksəlməyə kömək edir. Mən də nə vaxtsa düzgün addım atacağam”. 

    Dünyanın ən cazibədar modellərindən olan Keyt Moss və Kara Delevin “Burberry” brendinin yeni “My Burberry” adlı ətrinin siması olublar.

Onlar çəkiliş meydançasında səmimi şəkildə fotolar çəkdiriblər. Şəkilləri fotoqraf Mario Testino ərsəyə gətirib. Keytin 40, Karanın 22 yaşı olmasına baxmayaraq, Moss olduqca gənc görünüb və Delevindən geri qalmayıb.

    Müğənni Rihanna İtaliya istirahətindən sonra dincəlməyə davam edir. O, öz şəxsi yaxtası ilə Korsika sahillərinə yolllanıb. Dənizdən həzz almağa çalışan və çılğıncasına əylənən Rihannanın istirahətindən olan fotoları təqdim edirik. 

 

Əhəd  Miriyev

 

Muz-Tv.az