İnqrid Bakıda Vaqif Nağıyevlə eyni səhnəni paylaşacaq

Sentyabrın 6-da tanınmış italiyalı müğənni İnqridin Bakıda konserti keçiriləcək. 

    Sentyabrın 6-da tanınmış italiyalı müğənni İnqridin Bakıda konserti keçiriləcək.  Axşam.az-ın məlumatına görə, "Qolos Ukrayna" musiqi yarışmasında səsi ilə münsifləri heyran qoyan müğənni Vaqif Nağıyev konsertdə İnqridin duet ortağı olacaq və onunla birlikdə Azərbaycan dilində “Ümid yağışı” mahnısını oxuyacaq. Bəstənin sözləri Gövhər Həsənzadəyə, musiqisi Alxanlıya, aranjimanı isə Yaşar Baxışa məxsusdur.  Qeyd edək ki, sentyabrın 5-dən 7-dək Bakıda polo üzrə II Dünya kuboku keçiriləcək. Turnirin sonuncu günündə isə V.Nağıyev ilk solo konserti ilə çıxış edəcək. 

   Əməkdar artist Elza Seyidcahan Hollivud ulduzu Monika Belluççinin obrazını canlandıracaq. Müğənniyə bu təklif Türkiyədən gəlib.Bu haqda E.Seyidcahan özü məlumat verib: “Ötən həftə verlişlərin birinə sadə saç düzümü ilə çıxdım. Həmin buraxılışdan sonra mənə çoxlu zənglər gəldi: kimi şeir yazdı, kimi də dedi, Monikka Belluççiyə oxşayırsınız. Türkiyədə dostlarım çoxdur. Onlardan təklif aldım ki, bir layihə olacaq. Orada Monikanın həyatını mən canlandırım. Sevə-sevə, düşünmədən qəbul etdim. Yaxın günlərdə bununla bağlı İstanbula yola düşəcəm. Eyni zamanda dərgilədən biri üçün maraqlı fotosessiya hazırlayacağıq. Orada da Monika Belluççi obrazında olacam”.

    Müğənni Günay İbrahimli və Elçin Cəfərov Moskvada konsert verəcəklər. Bu haqda “Azərbaycan Mədəniyyət Studiyası”nın rəhbəri Samirə Zeynalov deyib. O, konsertin oktyabrın 16-da Moskvada “Bi2” klubda baş tutacağını bildirib. “Azəri Party” adlı gecədə modelyer Zümrüd Mirzəliyevanın libasları da nümayiş olunacaq: “Konsertin digər təşkilatçısı “Nar” prodakşndır. Bu, partinin birinci hissəsidir. Bundan sonra hər ay belə tədbir baş tutacaq. Sənət aləminin tanınmış simalarının maraqlı konsertlərini təşkil edəcəyik”. 

    Hazırda Hindistanda “İndias Best Cine Star Ki Khoj” şousunda iştirak edən rəqqasə Oksana Rəsulova maraqlı obrazda fotolar çəkdirib. Sənətçi bu həftə yayımlanacaq verilişdə “su pərisi” obrazını canlandıracağını bildirib: “Mənə ürək-dirək verən dostlarım çox sağ olun. Bu gün çəkilişlər keçdi. Mənim bu dəfəki səhnə rolum "dəniz pərisi" oldu. Yeni süjet çox maraqlı olacaq, qaçırtmayın. Qonaqlarımız Deepika Podukone və Boney Kapurun birinci evliliyindən olan oğlu Arjun Kapur idi. Aktyorluq müəllimim əla olduğunu desə də münsiflər heyətinin xoşuna gəlmədim".  Qeyd edək ki, şou Hindistanın ən məşhur kanalı olan ZEE TV-də hər həftənin şənbə və bazar günü yayımlanır.

 

Əhəd Miriyev

Faina Əsədullayeva

 

Muz-Tv.az