Xalq artisti Səyavuş Aslanın ad günüdür

Bu gün tanınmış teatr və kino aktyoru, xalq artisti Səyavuş Aslanın ad günüdür.

    Bu gün tanınmış teatr və kino aktyoru, xalq artisti Səyavuş Aslanın ad günüdür. “Şərəf” ordenli xalq artisti 1935-ci il sentyabrın 5-də Bakıda doğulub.  Azərbaycanın realist aktyor məktəbinin görkəmli nümayəndələrindən olan S.Aslan uzun illər Musiqili Komediya Teatrında çalışıb.  1994-96-cı illərdə həmin teatrın rəhbəri olub. O, televiziya tamaşalarında yüzdən artıq rol ifa edib, “Əhməd haradadır”, “Yol əhvalatı”, “Ulduz”, “Bəyin oğurlanması”, “Evlənmək istəyirəm”, “Yuxu” və s. kimi bir çox məşhur filmlərdə müxtəlif obrazlar yaradıb. S.Aslan uzun sürən xəstəlikdən sonra 2013-cü ildə, 77 yaşında dünyasını dəyişib.

     Şoumen Murad Dadaşov metronun "İçərişəhər" stansiyasının yaxınlığında yerləşən şirniyyat mağazasının bağlanması ilə bağlı yayılan xəbərlərə münasibət bildirib. “Qafqazinfonun məlumatına görə, şoumen mağazasının təmir  olunduğu üçün bağlandığını və tezliklə yenidən istifadəyə veriləcəyini bildirib:“Mağaza bağlanmayıb. Bunlar yalan xəbərlərdir. Mağazada təmir işləri gedir, ustalar işləyir, tezliklə yeni dizaynda istifadəyə veriləcək. Hazırda sifarişlər qəbul olunur. Biz mağazanın pəncərəsinə də yazmışıq ki, təmirdədir”.

     Müğənni Ayan Babakişiyeva işinə qarışanlara ismarış göndərib.“Həyatda ən böyük məsləhətçim anamdır. Onun sözlərinə hər zaman qulaq asır, hörmətlə yanaşıram. Amma ən son qərarı özüm verirəm. Düzdür, ana məsləhətindən heç vaxt ziyan çəkmirsən. Amma yenə də ən yaxşını özüm bilirəm. Düşünürəm ki, kimsə işimə qarışanda uğursuz alınacaq. Yad insanların işimə müdaxilə etməsinə, mənə məsləhət verməsinə əsəbləşirəm. Mənim də qızım var, gələcəkdə ona məsləhətlərim olacaq. Amma çalışacam ki, qərarlarını sərbəst versin. Qızımı azad böyüdəcəm. Qoy bu həyatda öz mövqeyini tutmağı bacarsın”.

     Rusiyalı müğənni Alsu Bakıda klip çəkdirib. Axşam.az-ın məlumatına görə, ifaçı bu dəfə paytaxtımızda “Любовь” (“Sevgi”) adlı mahnısını ekranlaşdırıb. Qeyd edək ki, Alsu keçən il də şəhərimizdə “Останься” (“Qal”) bəstəsinə klip çəkdirmişdi.

 

Əhəd Miriyev

 

Muz-Tv.az